20-декабрда Жогорку Кеңеш мамлекеттик тууну өзгөртүү жөнүндө мыйзам долбоорун дароо эки окууда талкуусуз кабыл алды. Эми өлкө эгемендикке ээ болгондо кабыл алынган желек өзгөрүшү керек. Президент Садыр Жапаров парламентте сунушталган демилгенин артында өзү турганын өткөн аптада билдирген. Бирок коомчулукта бул маселе кызуу талкууланып, парламент элдин пикирин эске алган жок деп сындагандар да арбын. “Эксперттер талдайт” берүүсүндө өзгөртүлгөн туу, анын айланасындагы нааразылык жана бийликтин жүйөлөрүн талкуулайбыз.
Борбор Азия
шаршемби 20 Декабрь 2023
Жогорку Кеңеш тууну өзгөртүү жөнүндө мыйзам долбоорун талкуусуз кабыл алды. Документке президент кол койсо желектеги күндүн нуру менен түндүктүн чамгарагы өзгөрөт. Газада Израил армиясынын кезектеги чабуулунан ондогон адам өмүрү кыйылганы кабарланды. БУУнун Коопсуздук Кеңешинде Газадагы кырдаал боюнча резолюция кабыл алуу улам кечеңдеп жатат. Ошто Кытайга жүк ташыган жүздөй айдоочу митинг өткөрдү. Алар кыргыз-кытай чек арасындагы тыгынга нааразы.
