Борбор Азия

Бычакталып ооруканада жаткан Асель Ногойбаева мурдагы күйөөсүнүн зөөкүрлүгү туурасында укук коргоо органдарына бир канча жолу кайрылып, эч кандай чара көрүлбөгөнүн айтып чыкты. Берлинде тажик президенти Эмомали Рахмондун режимине каршы акцияга чыгып, анын автокербенине жумуртка ыргыткан оппозиция активисттеринин Тажикстандагы туугандары камалды. Орусиянын Амур облусунда мигранттарга каршы рейддер жүрдү. Жыйынтыгында тогуз мигрант депортацияланып, сегиз мигрант өз ыктыяры менен чыгып кетмей болду.

Тажик бийлиги өткөн аптада болгон Берлиндеги саммитте нааразылык акциясына чыккан жарандардын жакындарын камакка ала баштады. Оппозициялык "Тажикстандын улуттук альянсы" бул кармоолорду айыптап, аны "эл аралык кылмыш" деп сыпаттады. Расмий Дүйшөмбү окуя боюнча комментарий бере элек.