2022-жылы Казакстандын эгемен тарыхындагы эң кандуу окуя орун алды. Январь айында суюлтулган газдын баасын арзандатууну талап кылган нааразылык акциялары башаламандык менен коштолуп, андан 230дай адамдын өмүрү кыйылды. 7-январда казак президенти Касым-Жомарт Токаев көчөгө чыккандарга «эскертүүсүз ок атуу» буйругун берген. Аны улай Алматыда аскерлердин огунан казак үй-бүлө бараткан автоунаанын ичиндеги төрт жашар Айкөркем да каза тапкан. Январь окуяларынан кийин президент Токаев бийлигин бекемдей алды. Айкөркемдин атасы болсо кызынын өлүмү үчүн президент жооптуу экенин, ал адилеттикти талап кылууну эч качан токтотпой турганын айтууда.
Борбор Азия
шейшемби 27 Декабрь 2022
“Азаттык” эл аралык иликтөөчү журналисттердин материалында Беларуска Евробиримдиктин санкцияларын айланып өтүүгө жардам көрсөткөнү айтылган кыргыз компаниялардын негиздөөчүлөрүн тапты. Алар иликтөөдө айтылган фактыларды четке кагышты. Кыргыз бийлиги жыгач материалдарын ЕАЭБдин аймагынан сыртка чыгарууга тыюу салынганын билдирип жатат.
