ЕАЭБге мүчө мамлекеттердин лидерлери Бишкекте газ базарын түзүү, ички рыноктун көйгөйлөрү сыятуу маселелерди талкуулады. Өзбекстандын Фергана аймагында газ жоктугуна нааразы болуп чыккандарды милиция 10 күнгө камады. Кемпир-Абад иши боюнча эки айга чукул тергөө абагында отурган активист-саясатчылардын айрымдарынын камак мөөнөтү узартылды.
Борбор Азия
жума 9 Декабрь 2022
Жогорку Кеңештин айрым депутаттары парламентте бийликтин кысымы күчөп, эл өкүлдөрүнүн чечим кабыл алуусуна таасир этүү аракети болуп жатканын айтышты. Кыргызстанда ар бир бийликте парламентти көмүскөдө туруп башкаргандар болгон. Аскар Акаевдин тушунда үй-бүлөсүнүн таасири артса, Курманбек Бакиевдин уулу Максим менен иниси Жаныш Бакиевдер депутаттарга тикелей тапшырма берип турган. Алмазбек Атамбаевдин бийлигинде анын мурдагы айдоочусу Икрамжан Илмиянов "бийликтин камчысын" өз колуна алганы элге маалым. Сооронбай Жээнбековдун иниси Асылбек Жээнбеков чечим кабыл алуу борборуна айланганын айтып чыгышкан. “Азаттык” Жогорку Кеңештеги “көмүскө кардиналдарды” иликтеди.
