Орусияда Кыргызстандын айдоочулук күбөлүгү менен иштөөгө тыюу сала турган мыйзам долбоору сунушталды. Кыргыз таксисттери мыйзам кабыл алынып калса, иши жок калабыз деп кабатыр. Түндүк Кореянын лидери Ким Чен Ын Владивостокко келип, орус президенти Владимир Путин менен жолугары күтүүлүүдө. Анда Пхеньяндын Москвага курал-жабдык жеткирүү маселеси талкууланышы ыктымал. Быйыл Бишкекте Кара-Кече кенинин көмүрүн сатууга жана жагууга тыюу салынды. Энергетика министрлиги борбор калаага Казакстандын көмүрү ташылып келип, 6 миң сомдун тегерегинде сатыларын билдирди.
Борбор Азия
шейшемби 5 Сентябрь 2023
Түндүк Кореянын лидери Ким Чен Ын менен Орусиянын президенти Владимир Путин жакын арада Владивостокто жолугары күтүүлүүдө. Эки лидер Пхеньяндын Москвага курал-жабдык жеткирүү маселесин талкуулашары мүмкүн экенин АКШ бийлиги билдирди. Кремль бул маалыматты ырастаган жок. Эл аралык санкцияларга кабылган Москва менен Пхеньян Орусия Украинага толук кандуу согуш ачкандан бери байланыштарын бекемдөө аракетин көрүп келет.
