Жумушсуздук менен жан багуунун айынан Суусамыр өрөөнүн жайлап, кымыз жана башка азык-түлүк саткан Чүй, Талас, Жалалабат облустарынын миңдеген тургундарынын мээнети акталбай калууда. Ош-Бишкек жолунун жанына боз үй тигип жашаган жылкычылар менен малчылар сырт дүйнөдөн бөлүнүп калган. Бул жерде электр жарыгы жок, буудай же арпа бышпайт, азык-түлүк тартыш, кымбатчылыктын айынан ишкерлер да азык-түлүк ташып келип сатпай калган.
