"Манас айылы" тарыхый комплексиндеги салтанаттан. Бишкек, 21-март, 2013.
Нооруз: Жарык караңгыны жеңген күн
21-мартта Кыргызстандын бардык жерлеринде Нооруз майрамы шаң-салтанат менен белгиленди.
Бишкекте Улуттук филармонияда өткөн салтанатта президент Алмазбек Атамбаев элди ынтымакка чакырып, бузуку күчтөрдүн реваншисттик аракети таш кабарын билдирди. Ала-Тоо аянтында, “Супара” этнографиялык комплексинде концерттер, улуттук оюндар, таймаштар өттү. Ал арада Кыргызстандын мусулмандар дин башкармалыгы “Нооруз - мусулмандардын майрамы эмес” деген билдирүү таратты.
Быйыл ырасмий жыйын бробордук аянтта эмес, Улуттук филармонияда өттү. Анда өлкө президенти Алмазбек Атамбаев куттук сөзүн мындайча айтты:
-Тез арада Кыргызстанды бутка турзугуп, азыркыдай өзүбүздү өзүбүз жамандабай, башыбызды жерге салбай тургандай болушубуз керек. Менин мөөнөтүм бүткөнгө чейин, 2017-жылга чейин Кыргызстанды башка бир мамлекетке айландырууну мен Кудайдан абдан тилеп жатам.
22-мартка караган түндөн тарта күн узара баштагандыктан президент бул күндү жылуулук суукту, жарык караңгыны жеңген күн деп атап, Кыргызстанда да мындан ары жарык гана турмуш болушун каалады.
Репортажды толугу менен бул жерден угуңуз
Сүрөт баян
Улустун улуу күнү
21-мартта Кыргызстандын бардык жерлеринде Нооруз майрамы шаң-салтанат менен белгиленди.
