Дүйнө Азаттыктын назарында

Киев облусунда бир киши набыт болду, бир нече адам жараат алды

3-январга караган түнү Киев облусунда Орусиянын чабуулунан бир киши набыт болуп, бир нече адам жараат алды. Орус армиясы Украинанын Курахово жана Шевченко багыттарында катуу чабуулга өттү. DeepState долбоорунун картасы Курахово шаарынын батыш ыптасында салгылашуу жүрүп жатканын көрсөтүп турат.

АКШ: 15 адамдын өмүрүн алган теракт, мейманкананын алдындагы жарылуу

АКШнын Жаңы Орлеан шаарындагы 15 кишинин өмүрүн алган кол салууну Федералдык иликтөө бюросу теракт деп иликтеп баштады. 1-январда көчөдө жаңы жыл тоскону чогулгандарды машинеси менен тебелеп, кийин туш келди ок чыгарган адамдын тек-жайы аныкталды.

Окоптогу жоокерлер, Борбор Азиядагы базар. "Азаттыктын" кабарчылары тарткан сүрөттөр

Украинадагы согуш окопторунан Борбор Азиядагы базарларга чейин... "Азаттыктын" кабарчылары 2024-жылы дүйнөнүн ар кайсы өлкөлөрүнөн тарткан таасирдүү сүрөттөрдүн топтомун сунуштайбыз.

"Синай Египетке кайтарылган". Жимми Картердин тарыхты өзгөрткөн кадамы

Кошмо Штаттардын мурдагы президенти Жимми Картер 100 жашында акка моюн сунду. Ал мамлекетти башкарып турган маалда Израил менен Египеттин ортосундагы биринчи тарыхый тынчтык макулдашуусуна Кэмп-Дэвидде кол коюлган. Израил ошондо Египетке Синай жарым аралын кайтарып берүүгө макул болгон.

Грузия: Жаңы президент ант берди, оппозиция аны тааныган жок

Мурдагы футболчу, оңчул популист Михаил Кавелашвили өлкөдөгү саясий кризистин тушунда Грузиянын жаңы президенти катары ант берди. Буга чейинки мамлекет башчы Саломе Зурабишвили кызматтан кетүүдөн баш тартып, Кавелашвилинин дайындалышы "мыйзамсыз" экенин айтууда.

Аяз Ата менен Санта Клаус бири-бирине жообу?

"Орусия согушка Түндүк Кореянын аскерин тартууга аргасыз"

Орусия тарапта согушуп жүрүп украин армиясынын туткунуна түшкөн түндүк кореялык аскер набыт болду. Бул тууралуу Түштүк Кореянын Улуттук чалгын кызматы билдирди.

Актауга кулаган учак атып түшүрүлгөнбү?

Бир катар эксперттер белгилегендей, далилдер "Азербайжан аба жолдору" компаниясына караштуу жүргүнчү учак Чеченстанда эле "жер-аба" классындагы ракета менен аткыланган болушу мүмкүн экенин көрсөтүүдө. Андан соң гана учак Каспий деңизинин үстүнөн өтүп, Актау шаарынан анча алыс эмес жерде кулаган.

Эрдоган: Кырым жарым аралы Украинага таандык

Израил ХАМАСтын лидерин жок кылганын моюнга алды

Израил ХАМАСтын лидери Исмаил Ханиянын өлтүрүлүшүнө катышын моюнуна алды. АКШ жана Еврошаркетте террордук деп таанылган радикал уюмдун саясий бюросунун жетекчиси быйыл 31-июлда Тегеранда жок кылынган.

Казанга урулган сокку, Путиндин жообу

Украинанын Коргоо министрлиги Татарстанда "Шахед" дрондорунун тетиктерин ташып бараткан поезддер жок кылынганын 23-декабрда маалымдады. Бул кабарды көз карандысыз булактардан текшерүү азырынча мүмкүн эмес.