Украинадагы Орусия баштаган согушту токтотуу аракети алкагында АКШ украин бийлигинин өкүлдөрү менен сүйлөшүүлөрүн улантууда. 23-мартта Сауд Арабиясында америкалык жана украин расмийлеринин кезектеги жолугушуусу өттү. Эми 24-мартта АКШ өкүлдөрү Орусия тарап менен экинчи жолугушуусун өткөргөнү жатат.
Түркияда сот Стамбулдун мэри Экрем Имамоглуну камакка алууга санкция берди. Имамоглунун кармалышы өлкөдө акыркы он жылдагы эң чоң толкундоолорго алып келди. Аны колдогон митингде 300дөн ашуун киши кармалганы кабарланды. Мэр 19-мартта кылмыштуу топту жетектөө жана коррупцияга айыпталып кармалган.
Иранда 21-марттан тартып иммиграциялык мыйзамдар катаалдаганы бул өлкөдө жашаган ооган качкындарынын абалы оорлошу мүмкүн болууда.
АКШнын президенти Дональд Трамп жакын арада Киев менен Вашингтон сейрек кездешүүчү минералдар жана табигый ресурстар боюнча келишимге кол коёрун билдирди. Киев азырынча бул боюнча комментарий бере элек.
Эми Украинадагы кырдаалдан кабар алалы. Украина жана Орусия соңку суткада да бири-биринин аймагына сокку урууну улантышты. Күн мурун Украина жана АКШ президенттери телефондон сүйлөшкөн.
Түрк бийлиги оппозициялык саясатчы, Стамбулдун мэри Экрем Имамоглуну кармап кетти. Маалымат каражаттары жазгандай ага "коррупция жана террордук топко көмөктөшкөн" деген айып тагылууда. Оппозициялык Республикалык элдик партия муну “болочок президентке каршы кутум” деп атады.
АКШ президенти Дональд Трамп орус мамлекет башчысы Владимир Путин менен телефондон сүйлөштү.
Израил Газа секторуна абадан соккуларын жандантты. Бир катар маалымат агенттиктери жазгандай, Израилдин коргоо армиясы “согуштук аракеттерди жандандырганын” жарыялады. Ак үй Израил Дональд Трамптын администрациясына аба соккусу тууралуу алдын ала кабар бергенин билдирди.
Израилдин коргоо министри Газада ЦАХАЛ “согуштук аракеттерди жандандырганын” жарыялаган. Ак үй Израил аба соккусу тууралуу алдын ала кабар бергенин билдирди. 15-январда Израил жана ХАМАС ортомчулардын жардамы менен Газадагы ок атышууну убактылуу токтотуу жөнүндө макулдашууга жетишкен болчу.
АКШ президенти Дональд Трамп Орусиянын президенти Владимир Путин менен 18-мартта сүйлөшө турганын билдирди. Мунун алдында Трамптын атайын чабарманы Стив Уиткофф Путин менен “жемиштүү” сүйлөшүүлөрдү өткөргөнүн жана алдыда эки лидердин сүйлөшүүсү да “оң маанайда” болоруна үмүт бардыгын билдирген.
Украин президенти Владимир Зеленский Орусиянын Курск облусундагы аскердик операция аягына чыкканын билдирип, Киев аймактан аскерлерин чыгарып кеткени кабарланды. Ал тапта АКШ президенти Дональд Трамп Орусиянын президенти Владимир Путин менен 18-мартта сүйлөшөрүн айтты.
Орус күчтөрү украин аскерлерин Курск облусунан толук сүрүп чыгарууга аракет кылып жатканы кабарланды. Киев Курскидеги күчтөрү курчоодо калганын четке кагууда. Ал арада Европа өлкөлөрү Украинада ок атышууну токтотуу маселесин талкуулашты.
Дагы жүктөңүз
