Санжар Эралиев

Кыргыз бийлиги лидер аялдарды көбөйткүсү келет

Кыргыз бийлиги жетекчиликке даярдалган аял кадрлардын резервин түзүүнү ниет кылууда. Коомчулукта "бул кадам кагазда эле калып кетпесе болду" деген кабатырлануу бар.

Токтогулда суу аз, электрге чектөө кирди

Кыргызстанда эки негизги ГЭСти реконструкциялоого байланыштуу жарык өчүрүлө баштады. Бул жагдай карапайым калкка түйшүк жаратып, нааразылыктарга себеп болууда.

"Кызматка орноштурам деп 50 миң доллар алган". Бийликчил активисттин кармалышы

Бийликтин жигердүү колдоочусу экени айтылган жарандын алдамчылыкка шек саналып кармалышы өкмөтчүл активисттердин жоопкерчилиги тууралуу маселени күн тартибине чыгарды.

"Телефонго алаксып чыныгы жашоону унуттук"

Технология өнүккөнү психологияда санарип көз карандылык түшүнүгү пайда болду. Бирок медицинада азырынча мындай диагноз жок.

“Колубуз байлануу”. Геологду эмне түйшөлтөт?

Кыргызстандык геологдор мамлекеттик колдоого муктаж. Жабдуулары дээрлик жарым кылымдан бери жаңырбагандыктан, кыргыз окумуштуулары чет элдик кесиптештери менен атаандаша албай калышты. Жалал-Абаддан табылган жер семирткичтин экологиялык түрүнө көңүл бурулбай, маанилүү долбоор колдоосуз калды.

Ардагер Сартаевдин кармалышы суроо жаратты

Камакка алынган аскердик укук коргоочу, Куралдуу күчтөрдүн ардагери Анвар Сартаевдин баш коргоо чарасын өзгөртүп, үй камагына чыгаруу өтүнүчү менен Бишкек шаардык сотуна арыз жолдонду. Анын эмне себептен кармалганы тууралуу укук коргоо органдары азырынча маалымат бере элек.

"Мал-мүлкү толук конфискация болот". Райымбек Матраимовго издөө жарыяланды

Кыргыз бийлиги Бажы кызматынын төрагасынын мурдагы орун басары Райымбек Матраимовго издөө жарыялап, анын мүлктөрү конфискация болорун билдирди. Бул кадамды жарандык коом колдоп, бирок кечиккен чара катары да баалап жатат.

Дүйнөнү ысык каптады. Кыргызстан кургакчылыктын каарын тартабы?

7 миллион калкы бар тоолуу Кыргызстан климаттык өзгөрүүлөргө, анын таасиринен пайда болгон жаңы реалдуулукка кантип ыңгайлашууда? Кыргыз бийлиги энергиянын альтернативдүү булактарын колдонууну көбөйтүү планы бардыгын, чакан ГЭСтер менен күн, шамал энергиясына басым жасарын жарыялады.

Сузакта күйөөсү балка менен урган келин ооруканада жатат

Сузактын Көк-Арт айыл аймагынын тургуну, күйөөсүнөн таяк жеп, ооруканага түшкөн 38 жаштагы келиндин абалын дарыгерлер "туруктуу оор" деп баалап жатат. Облустук милиция келин мурда дагы үй-бүлөсүндө ур-токмокко кабылып жүргөнүн билдирди. Келиндин күйөөсү убактылуу камалып, иликтөө жүрүүдө.

“Чыдап кой”. Кыз-келинди ким коргойт?

Үй-бүлөдөгү зомбулукка атайын кызматтын көңүл бура баштаганы "Кыргызстанда кыз-келиндердин көйгөйү улуттук коопсуздук маселесине айландыбы?" деген суроону күн тартибине чыгарды.

Абанын ысышы Борбор Азиядан элди көчүрөт

"Айласыздан жашап жатабыз". Бишкектиктер ыштан кантип коргонот?

Блогер Адилет Балтабай кайра кармалды

Адилет Балтабай деген ат менен таанымал блогер жана жарандык активист Адилет Али Мыктыбек "пробация көзөмөлүнүн эрежесин бузду" деген негизде кайра камакка алынды. Адвокатынын айтымында, анын Сокулуктан Бишкекке барганы "эреже бузуу" деп сыпатталууда.

"Жер Эне": Эндик менен чайыр жок болуп кетиши мүмкүн

Бишкек: Тууну өзгөртүүгө каршы акция өтпөй калды

Кыргызстандын мамлекеттик желегиндеги сүрөттүн элементтерин алмаштырууга каршы 3-декабрда Бишкекте пландалган автожүрүш болбой калды. Катышуучулар акция башка күнү өтө турганын билдиришти. Бир күн мурун тууну өзгөртүүгө каршы тынчтык митингине үндөгөн активист суракка чакырылган.

"Туу өзгөрбөсүн". Активист сурак берди, автожүрүш башка күнгө жылды

Айыл чарба өсүмдүктөрүнүн "алтын фонду" кимдин колунда?

Генетикалык банк - Кыргызстандагы 2600дөн ашуун айыл-чарба өсүмдүктөрүнүн, мөмө-жемиштердин генофондун сактайт. Генбанк 2010-жылы Швеция өкмөтүнүн жана Скандинавиялык генетикалык ресурстар борборунун Nordgen долбоорунун колдоосу менен ачылган. Азыр кыргыз өкмөтү каржылайт.

Газадагы апаатты көргөн казактын, Тель-Авивдеги кыргыздын баяны

Эмдетпөөнүн азабы. Кыргызстанда кызамык жайылып жатат

Кыргызстанда быйыл кызамык жуктургандардын саны төрт миңден ашып, үч бала чарчап калды.

Израил - ХАМАС: Согуштун курмандыктары 2000ден ашты

Израил менен ХАМАС тобунун ортосундагы урушта набыт болгондордун саны 2000ден ашты. Алардын 1200ү Израилдин, 900дөн көбү Газа тилкесинин тургундары. Эл аралык басылмалардын эсебинде жарадарлардын жалпы саны 10 миңге жакындап баратат. Жүздөн ашуун адам ХАМАСтын туткунунда турат.