27-декабрда Кемпир-Абад иши боюнча Бишкектин Биринчи Май райондук сотунда бул ишке байланыштуу шек саналып жаткан оппозициялык саясатчы Азимбек Бекназаров кайра сот залынан чыгарылды.
Судья Марат Сыдыков тартипти бузду деген негиз менен Азимбек Бекназаровду залдан чыгарып, отурумду саясатчынын катышуусуз улантууну чечти. Судья 20-декабрдагы жараянда да ушундай эле чечим кабыл алган.
Кыргыз-өзбек чек арасындагы Кемпир-Абад суу сактагычынын жери Өзбекстанга өтүп жатканына каршы пикирин билдирген 30га жакын саясатчы, активисттер былтыр октябрда камалган. Ушул тапта кармалган 27 кишинин 11и тергөө абагында отурат. Калгандары буга чейин түрдүү жагдайда үй камагына чыккан.
Кемпир-Абад иши сегиз айлык тергөөдөн кийин быйыл июнь айында сотко өткөн. Ички иштер министрлигинин (ИИМ) Тергөө башкармалыгы ишке “жашыруун” грифин койгон. Милиция аларды “бийликти басып алууга аракет кылган” деп айыптоодо. Иш Кылмыш-жаза кодексинин “Жапырт башаламандык уюштурууга аракет көрүү”, “Бийликти күч менен басып алууга даярдык көрүү” беренелеринин негизинде козголгон.
Шектүүлөр мунун баарын саясий куугунтук катары сыпаттап келет. Иш “жашыруун” деген негиз менен соттук жараяндар жабык өтүп жатат. Шектүүлөр отурумдарды ачык өткөрүү талабын коюп келишет. (BTo)
Дагы караңыз
Акылбек Жапаров Мамлекеттик лотерея компаниясын жабууну сунуштадыБашкы прокурор депутат Жамгырчиевди жоопкерчиликке тартууга уруксат сурадыБир катар аткаминерлер, депутаттар мамлекеттик сыйлыктар менен сыйландыПарламент Төрөбаевди министр кызматына талапкерлигин жактырдыТүркия парламентинин негизги комитети Швециянын НАТОго киришин колдодуТыныбекова Спорттук-реабилитациялык борбордун жоюлушуна каршы экенин айттыИран 60% чейин байытылган урандын өндүрүшүн көбөйттү