Бишкекте аялдар укугу үчүн тилектештик жүрүшү өттү. Бул жолу марш “Жаша аялзаты, жаша!”деген ураандын алдында уюштурулган. Жүрүшкө 300дүн тегерегинде киши катышып, аялдардын эркиндигин камсыздоону, аларды зордук-зомбулуктан коргоону талап кылышты.
2022-жылы Орусия Украинага ар тараптан басып киргенден бери АКШ, Евробиримдик жана башка союздаштар Киевге жардам берүү үчүн жалпысынан 287 млрд доллардан ашык сарпташканын Дүйнөлүк экономика боюнча Киль институту билдирди.
Евробиримдикке мүчө өлкөлөрдүн лидерлери Брюсселдеги саммитте аскердик чыгашаларды кескин көбөйтүү боюнча планды бекитишти.
Дүйнөнү дүң кылган кайым айтыштан кийин америка лидери Трамп менен украин президенти Зеленский кайра тил табышкандай болду. АКШнын жардамы жок Украина орус армиясына канчалык туруштук берет? Европанын чама-чаркы кандай?
Баткен районундагы Достук айылынын тургундарын Баткен шаарына жакын жердеги Чет-Булак жерлигине көчүрүү чечими кабыл алынды. Президенттин Баткен облусундагы өкүлү турак жайдын курулушу жакынкы күндөрү башталарын, үч-төрт ай ичинде элди көчүрүп чыгуу аяктай турганын "Азаттыкка" билдирди.
Бишкекте зордуктоого шектелген беш киши эки айга камалды. Милицияга кайрылган кыз көңүл ачуучу жайлардын биринде аны беш киши белгисиз тарапка алып барып, күч колдонуп зордуктаганын айтып арызданган. Социалдык медиага жарыяланган видеодо топ киши кызды белгисиз жакка көтөрүп баратканы көрүнөт.
Украинанын Кривой Рог шаарында шаршембинин кечинде урулган соккудан каза тапкандар төрт кишиге жетти. Ондогон адам жараланды. Жарым-жартылай урап калган имаратта мейманкана орун алган. Орусия окуяны комментарийлеген жок.
Баткендин Достук айылынын элин Чет-Булак жерлигине көчүрүү чечими кабыл алынды. Бийлик аларга үй салып, бардык шартын түзүп берүүнү убада кылды. Президент Жапаров чек ара маселеси кызыкчылыктарды эске алуу менен түбөлүккө чечилерин айтты. "Азаттык" Достук айылындагы эл менен жолугушууга катышты.
"Талибан" ооган кыз-келиндерине каалаган жерде иштөөгө, окууга, коомдук жайга барууга, алтургай бөлмөсүнө терезе коюуга тыюу салган. Мындай чектөөгө туш болгон аялдар америкалык порножылдыздын өлкөгө кирүүсүнө уруксат берилгенине нааразы. Укук коргоочулар муну "эки жүздүүлүк" деп сындап жатат.
4-мартта АКШ президенти Дональд Трамп Конгрессте туруп, Зеленскийден кат алганын жана анда украин лидери сүйлөшүүлөрдү баштоого даярдыгын билдиргенин айтты. Бул Трамптын президенттик кызматка киришкенден бери Конгресске жасаган биринчи кайрылуусу. Анын кызматка киришкенине 50 күндөн ашты.
Армения менен Абхазиядан ташылып келген автоунаалардын ээлери машинелерди мыйзамдаштыруунун жол-жобосуна нааразылык билдирип, Бишкектеги Горький паркына акцияга чыгышты. Чогулгандар өкмөт сунуштаган 100 миң сомду азайтууну, катталган аймагына жараша номур берүүнү суранып, президентке кайрылышты.
Трамп 5-мартта Конгресстеги кайрылуусунда Зеленскийден кат алганын айтып, ал тынчтык сүйлөшүүлөрүнө даярдыгын билдиргенин айтты. Трамп бул кайрылуусун АКШ Украинага аскердик жардамды убактылуу токтотуп койгондон бир нече саат өтпөй жасады.
Дагы жүктөңүз
