Украинанын Харьков шаарында ракеталык соккудан бир адам набыт болду. АКШ Украина менен Орусия маселесинде чыдамы түгөнүп баратканын ишарат кылды. Кыргыз бийлиги "жергиликтүү банк орус ишканаларына Батыштын санкциясын кыйгап өтүүгө көмөктөштү" деген маалыматты четке какты.
Укук коргоочу Рита Карасартова “Массалык башаламандыктар” беренеси менен экинчи жолу камакка алынды. Буга чейин "Кемпир-Абад иши" боюнча сегиз айга жакын абакта отуруп чыкса, бул жолкусунда чет жактагы активист Тилекмат Кудайберген уулуна байланыштуу иш боюнча кармалды.
Бишкектеги мектепте 7-класстын эки окуучусунун пикир келишпестиги 14 жаштагы кыздын өлүмү менен аяктады. Мэрия жана шаардык милиция териштирүү башталганын билдирди. Маркумдун жакындары үн ката элек. Бул окуя мектеп окуучуларынын арасындагы чоңсунуу, коопсуздук боюнча маселени кайра козгоду.
Бишкектеги мектептердин биринде 7-класстын эки окуучусунун ортосунда пикир келишпестик чыгып, 14 жаштагы кыз каза болду. Бишкек мэриясы жана шаардык милиция териштирүү башталганын билдирди. Маркумдун жакындары үн ката элек. Бул окуя окуучулар арасындагы чоңсунуу, коопсуздук маселесин козгоду.
АКШ президенти Трамп мыйзамсыз жүргөн мигранттар боюнча жаңы программа ишке киргизерин билдирди. Ал мигранттардын өлкөдөн өз ыктыяры менен чыгып кетиши үчүн акча сунушталарын айтты. Буга чейин CBP One тиркемеси аркылуу киргендерге АКШдан чыгып кетүүнү талап кылган каттар келе баштаган.
Жалал-Абад облусунун Ала-Бука районунун Ак-Тайлак айылында 14-апрелде жүргөн сел көчөдө турган эки автоунааны агызып, үч көпүрөнү алып кеткен. Мындан тышкары Аксы районунда жолду каптаган. Баткен районунун Ак-Татыр, Самаркандек жана Алтын-Бешик айыл аймактарынын айрым тилкелерин суу каптаган.
Орусиянын Курск аймагы жапырт дрон чабуулуна кабылды. Маалыматка караганда, бир адам каза болуп, кеминде тогуз адам жабыркады. Украинанын Сумы облусу да кандуу соккуларга туш болууда. Украин тарап эки күн мурдагы соккудан 35 киши каза тапканын, 100дөн ашууну ар кандай жараат алганын билдирген.
Чүйдүн Молдовановка айылындагы №27 колонияда жазасын өтөп жаткан 35 жаштагы Тилек уулу Адилет каза болгону кабарланды. Жакындары анын абакта сабалганын, катуу токмоктон улам каза болгонун айтып жатышат. ЖАК 14-апрелде эки кишинин өлүмүн ырастап, алар ден соолугуна байланыштуу каза болгонун билдирди.
Тышкы иштер министрлиги Орусиянын Кыргызстандагы элчиси Сергей Вакуновду 14-апрелде министрликке чакырып, Москва шаарындагы "Бодрость" мончосунда болгон окуя боюнча нота тапшырды.
АКШ, Евробиримдик, Бириккен Улуттар Уюму орус армиясынын 13-апрелде Украинанын Сумы шаарына жасаган кандуу чабуулун кескин айыпташты. Жекшембидеги кол салуу 35 адамдын өмүрүн алды. 117 киши жараат алды, алардын арасында 15 бала бар.
Кыргызстандын Конституциялык соту 2010-жылы Апрель ыңкылабында бийликтен кулатылган Курманбек Бакиев боюнча чыккан сот өкүмү кайра каралат деген чечим чыгарды. Буга өкүм сыртынан чыгарылган деген жүйө себеп катары көрсөтүлгөн.
Кытай жарандарынын Украина же Орусиянын тарабында согушуп жатканы тууралуу маалыматтар согуштун алгачкы күндөрүнөн бери тараса да, Зеленскийдин акыркы билдирүүсү дүйнө коомчулугунун көңүлүн бурду.
Дагы жүктөңүз
