Бишкекте соодагерлердин нааразылык акциясы уланды. Соңку суткада орус армиясы Украинанын бир нече облусуна, анын ичинде Киевге канаттуу ракета жана дрондор менен сокку урду. Жогорку Кеңеш чет өлкөлүк жарандарга Ысык-Көлдүн аймагынан мүлк сатып алууга уруксат берген мыйзам долбоорун колдоду.
Кыргыз эл жазуучусу Самсак Станалиев көп кырдуу талант болчу, кара сөз менен ырды, публицистика менен котормочулукту эриш-аркак ала жүргөн, анан да күн менен түндү, эс алуу дегенди билбеген мээнеткеч калемгер эле.
Жакында Disney студиясынын “Баш катырма” мульфильминин экинчи бөлүгү чыкканы жатат. Бул ирет америкалык студия аны казак тилине которуп көргөзүүнү сунуш кылды. Казак тилинин таламын талашкан активисттер көрөрмандарды мультфильмди сөзсүз көрүүгө чакырышууда.
Прокурор Кемпир-Абад иши боюнча айыптууларды 20 жылга кесип, мүлкүн конфискация кылуу жазасын сурады. Июнь окуясына 14 жыл болду. Кыргызстандын жараны Алина Горшенина Орусиянын өтүнүчү менен Казакстанда камалды.
“Кыял кемеси”, “Сүйүүңдү сүртүп кеттиң жүрөгүмө”, “Көкүрөгүң жыттап алдым билгизбей”, “Селсаяк” баштаган бир нече лирикалык китептердин жана аңгемелер топтомунун автору, калемгер Бурулкан Карагулова менен маек.
Сталиндик репрессиянын азап-шорун көп тарткан жазуучу Варлам Шаламов өкүмзор бийлик системасынын кандай экенин "Колыма аңгемелеринде" кемелине келтирип ачып берген. Бул ирет чынчыл сүрөткердин ошол жыйнакка кирген "Жаан" аңгемесине токтолобуз.
10 жылдан ашуун Орусияда миграцияда жүргөн Тынарбек Туралиев кичи мекени Таласка келип, кулпунайдын түрүн өстүрө баштаган. Учурда 1 гектардан ашык жерге кулпунай эгип, түшүмүн күтүп жаткан чагы. Бирок быйыл анын баасы жылдагыга салыштырмалуу арзан алынып жатат.
Кыргызстандык пианист жана кинорежиссер Эмил Атагелдиев рак дартына чалдыгып, тез арада чет жактан дарыланууга муктаж болуп турат. Анын саламаттыгы жөнүндө айтып чыккан кесиптештери коомчулуктан жана бийликтен каржылык жардам сурады. Өнөр адамына болжол менен 50 миң доллардай каражат керек экени айтылды.
Бээжинде “Кытай-Кыргызстан-Өзбекстан” темир жолу боюнча макулдашууга кол коюшту. Газада 30га жакын киши набыт болду. Ошто Бажы кызматынын төрагасынын мурдагы орун басары Райымбек Матраимовго жана экс-спикер Акматбек Келдибековго тиешелүү үйдүн жерин кайтаруу иштери башталды.
“Биз, Асман, Байрактар жана искусство” дал ушундай аталыштагы көргөзмө Бишкектин чет жакасындагы Күн-Туу айылындагы Төлөн музейинде башталды. Анда азыркы доордогу экстремизм жана тоталитаризм, адамзаттын өзгөрүп бараткан баалуулуктарын чагылдырган ондогон эмгектер коюлду.
Ысык-Көлдүн Жыргалаң аймагында кум-шагыл казып жаткан учурда мамонттун сөөгү табылганы кабарланды. Ал жерге археологдор барып казуу иштерин жүргүзүп, эки башка жерден мамонттун тиши жана астыңкы жаак сыныктары табылганын айтып жатат.
Дагы жүктөңүз
