Кыргыз авиация агенттиги Бишкектеги “Манас” аэропортунун IATA кодун алмаштыруу аракети жүрүп жатканын билдирди.
Кыргызстанда жергиликтүү шайлоодо да добуш бергендер аз болду. Борбордук шайлоо комиссиясы аралыктан добуш берүү мүмкүнчүлүгүн түзгөнү бул жагдайга байкаларлык өзгөрүү киргизген жок. Айрым эксперттер жергиликтүү шайлоону алдыдагы чоң саясий өнөктүктөргө даярдык иретинде карашат.
Бишкекте бүгүн Түрк мамлекеттер уюмунун 11-саммити өттү. Анда экономика, коопсуздук жана маданий кызматташтык маселелери талкууланды.
Кыргыз өкмөтү кытайлык туристтерге визасыз режимди киргизди. Эми так туристтик программасы болгон бештен 25ке чейин кишиден турган топ Кыргызстанга 21 күнгө чейин визасыз келе алат. Өкмөт муну туризмди өнүктүрүү аракети деп түшүндүрдү. Туристтерди ыңгайсыз кылган көйгөйлөр бардыгын айткандар да бар.
25 жылдан бери АКШда бозгунда жүргөн түркиялык диниятчы, өз мекенинде 2016-жылы бийликти төңкөрүү аракетине айыпталган Фетхулла Гүлен 83 жашында көз жумду. Ал бир кезде Түркиянын президенти Режеп Тайып Эрдогандын жакын санаалашы болгон.
Чаткалда кар көчкү басып калган алты адам дайынсыз болууда. Өзгөчө кырдаалдар министрлиги алар жалпы 14 адам болгонун, сегиз киши аман-эсен табылганын билдирди. Өзгөчө кырдаал министрлигинин куткаруучулары Башкы-Терек айылына барды.
Баткен облусунун уюшулганына 25 жыл толду. 1999-жылы Зардалы айылы аркылуу "Өзбекстан Ислам кыймылынын" (Кыргызстанда экстремисттик деп табылып, тыюу салынган) жоочулары мамлекеттик чек араны бастырып кирип, 50дөн ашык аскер октон ажал тапкан окуядан кийин облусту түзүү чечими кабыл алынган.
Жазуучу жана публицист Олжобай Шакир 8-октябрда Бишкектеги №1 тергөө абагынан бошотулду. Мунун алдында Жогорку сот жазуучуну коюлган айып боюнча күнөөлүү деп таап, үч жылдык пробация менен эркиндикке чыгарган.
Президент Садыр Жапаров “Коопсуз шаар” долбоорун толугу менен Ички иштер министрлигине өткөрүп берүү жарлыгына 18-сентябрда кол койду. Документте мындай чечим долбоордун натыйжалуу ишке ашуусун камсыз кылары жазылган.
Кыргызстанда административдик-аймактык реформа жүргөнү үчүн жергиликтүү кеңештер таркатылып, өлкө боюнча шаардык жана айылдык кеңештерди кайра шайлоо 17-ноябрга дайындалды.
Улуттук коопсуздук комитети (УКМК) коррупцияга каршы күрөштү күчөтүүгө багытталган мыйзам долбоорун даярдап, коомдук талкууга койду.
Ош облустук милициясы 4-5 жаштагы баласын кагып-силкип, "эшикке укта" деп кууп жаткан кишини тапты. Бул окуя мигранттардын балдарынын кейиштүү тагдырын эске салып, алар кабылган зордук-зомбулукка байланыштуу талкууну күчөттү.
5-сентябрда Сокулук районунда 9-класстын окуучусу Эрхандын өмүрү кыйылган окуя өспүрүмдөр арасында чоңсунуу көйгөйүн кайрадан көтөрдү. Милиция 16 жаштагы өспүрүм шектүү катары кармалып, эки айга камалганын билдирди. Мугалимдер Эрхандын жүрүм-туруму жакшы болгонун, ызы-чуудан алыс жүргөнүн айтты.
Кыргызстанда үйү тинтүүгө алынган активист, социалдык тармактын активдүү колдонуучусу Мирланбек Маратбек уулунан алынган материалдар боюнча экспертиза дайындалды. Милиция ага Кылмыш-жаза кодексинин “Экстремисттик материалдарды даярдоо, таратуу” беренеси менен кылмыш иши козголгонун билдирди.
Кыргызстандын Тышкы иштер министрлиги жарандарды Орусиянын Белгород, Брянск жана Курск облустарына барбай турууга чакырды. Бул аймактарга федералдык жана аймактык деңгээлдеги өзгөчө кырдаалдар режими киргизилген.
Париж Олимпиадасы Кыргызстандын эгемен тарыхында эң көп медал алган дүйнөлүк мелдеш болду. Кыргыз спортчулары Сиднейде бир коло байге, Бээжинде бир күмүш, эки коло жана Токио оюндарында эки күмүш, бир коло медал уткан. Кыргызстандын Франциядагы элчиси Садык Шер-Ниязды “Азаттык” кепке тартты.
Президент Садыр Жапаров “Ишкерлердин жана инвесторлордун укуктарын коргоо чөйрөсүндөгү" мыйзамга кол койгону 23-июлда жарыяланды.
Орусиялык теле алып баруучу Тина Канделакинин Кыргызстанда “русофобиялык” көз караш жайылтылып жатканын айтып, буга Батыш өлкөлөрүн жана алардын колдоосу менен иш алып барган жергиликтүү уюмдарды айыптаган билдирүүсү талкууга түштү.
Орусияда соңку учурда миграциялык талаптар күчөп, мигранттарга карата текшерүүлөр, рейддер жүрүп жатат. Ал арада орус өкмөтү чет элдик мигранттарды өлкөдөн чыгаруунун шартын жеңилдеткен мыйзам сунуштап жатат.
Кыргыз бийлиги Тажикстан менен чек араны тактоо иштери активдүү жүрүп жатканын билдирип, жумушчу топтордун жолугушуусу уланууда. Тактоо иштеринде кайсы маселелер кыйынчылык жаратышы мүмкүн?
Дагы жүктөңүз
