Кабыл Макеш

БАКЫДА ГРЕК-РИМ ЖАНА ЭРКИН КҮРӨШТӨН ДҮЙНӨЛҮК ТАЙМАШУУЛАР ӨТҮҮДӨ

17-сентябрдан бери Азербайжан өлкөсүнүн борбору Бакы шаарында грек-рим жана эркин күрөшү боюнча чоңдор арасында дүйнө чемпионатына жетимишке жакын мамлекеттердин балбандары күч сынашууда. Бул дүйнөлүк таймашуунун мааниси зор, себеби биринчи орундан сегизинчи орунга чейинки балбандарга Бээжин олимпиадасына жолдомолор ыйгарылат. Кыргызстандык балбандар кандай күрөшүп жатышат?

ВЕЛОСПОРТЧУ ЕВГЕНИЙ ВАККЕР БЭЭЖИН ОЛИМПИАДАСЫНА ЖОЛДОМО АЛДЫ

Тайланд өлкөсүнүн борбору Бангкок шаарында өткөн велоспорт Азия чемпионатында кыргызстандык Евгений Ваккер марага биринчи келип, алтын медаль тагынуу менен Бээжин олимпиадасына жолдомо алды. Азия оюндарынын төрт жолку жеңүүчүсү Евгений Ваккер эми 27-сентябрда Германияда өтчү дүйнө биринчилигине катышат.

ЧЕК АРАДАГЫ ТАЛАШТУУ АЙМАКТАРДА КУРУЛУШКА ТЫЮУ САЛЫНАТ

Эки тараптуу кызматташтыктын жана аймактык саясаттын маселелери Тажик Республикасынын президенти Эмомали Рахмондун Кыргызстанга расмий иш сапарынын жүрүшүндө 18-19-сентябрда талкууланмакчы. Алардын эң маанилүүсү – тактала элек чегара аймактарында бир тараптуу курулуш иштерин жүргүзбөө тууралуу келишим болмокчу.

АЗАМАТ АЛТАЙДЫ ЭСКЕРҮҮ

Мындан 54 жыл илгери, 1953-жылдын 18-мартында айтылуу Азамат Алтай (Кудайберген Кожомбердиев) диктатор Иосиф Сталиндин өлүмү тууралуу серепти кыргыз тилинде маалымдап, «Азаттык» үналгысынын (“Эркин Европа/Азаттык” үналгысынын Кыргыз кызматынын) тушоосу кесилген. «Азаттык» үналгысын негиздеген Азамат Алтай агайбыз тирүү болсо бүгүн 15-сентябрда 87 жашка чыкмак. Азамат Алтайды мекендештери эскерип, анын атын түбөлүккө калтыруу үчүн Эл аралык кайрымдуулук корун түзүү демилгесин көтөрүп чыгышты.

ЭЛ АРАЛЫК ЫСЫККӨЛ ОЮНДАРЫ ЖЫЙЫНТЫКТАЛДЫ

5-сентябрдан 12-сентябрга чейин Чолпоната шаарында Шанхай кызматташтык уюмунун алкагында 7–Эл аралык Ысыккөл оюндары спорттун 15 түрү боюнча өткөрүлдү. Мөрөй талашууга Борбор Азия, Орусия, Кытай, Молдова өлкөлөрүнүн командалары катышканы менен кемчиликтерге да жол берилди.

ЭЛ АРАЛЫК ЫСЫККӨЛ ОЮНДАРЫ БҮГҮН БАШТАЛАТ

Бүгүн 5-сентябрда Чолпоната шаарында Шанхай кызматташтык уюмунун алкагында 7–эларалык Ысыккөл оюндары спорттун 15 түрү боюнча башталат. Мелдештер 11-сентябрга чейин өткөрүлөт. Оюнга Борбор Азия, Орусия, Кытай, Иран өлкөлөрүнүн командалары катышуу ниетин билдиришкен.

КӨК БӨРҮДӨН ПРЕЗИДЕНТ КУБОГУН БИШКЕКТИН “БӨРҮЛҮҮСҮ” ЖЕҢДИ

31-августта Бишкектеги «Аккула» атмайданында Кыргызстандын эгемендүүлүгүнүн 16 жылдыгына карата өлкөнүн президентинин көкбөрү боюнча кубогуна арналган мелдешинин жана кунан жарыш, ат чабыш, жорго салыштын жеңүүчүлөрү аныкталды. Баш байгени жана кубокту ар жыл сайын өлкө башчысы тапшырса, бул ирет Бишкектин «Бөрүлүү» командасына сыйлыкты президенттин администрациясынын жетекчисинин орун басары Айбек Алыбаев тапшырды. Учурда Кант шаарында футбол боюнча Эгемендүүлүк кубогуна арналган таймашуу өтүүдө.

КӨК БӨРҮ БОЮНЧА ПРЕЗИДЕНТ КУБОГУ ҮЧҮН МЕЛДЕШТИН ЖЕҢҮҮЧҮЛӨРҮ БҮГҮН АНЫКТАЛАТ

5 күндөн бери Бишкектеги «Аккула» ат майданында Кыргызстандын эгемендүүлүгүнүн 16 жылдыгына карата өлкөнүн президентинин көкбөрү боюнча Кубогуна арналган эл аралык мелдеш улантылып жатат. 30-августта жарым финалдык беттешүүлөр болуп, мыктылар иргелип чыкты. Байгелүү үчүнчү орундун жеңүүчүсү аныкталды. Бүгүн 31- августта финалдык таймашуу болот.

КЕСИПЧИЛИК-ТЕХНИКАЛЫК БИЛИМ БЕРҮҮГӨ КӨҢҮЛ БУРУЛАТ

Эгемендүүлүктүн 16 жылынан бери өлкөдөгү кесипчилик-техникалык билим берүү тармагына ат үстүнөн мамиле кылынып, айрым окуу жайлардын мүлктөрү менчиктештирилип кеткен. Кесипчилик-техникалык окуу жайын бүтүргөн адистер чет мамлекеттерге кетип, өлкөдө ортоңку звеного адистер таңсык боло баштады. Себеби Камбарата-1, Камбарата-2 ГЭСтеринин курулушуна, Ташкөмүрдөгү жана башка аймактардагы заводдорго адистерди даярдоо милдети турат.

КЫРГЫЗСТАНДЫН КҮРӨШ ФЕДЕРАЦИЯСЫНА МАКСИМ БАКИЕВ ПРЕЗИДЕНТ БОЛУП ШАЙЛАНДЫ

Өлкөнүн жалпы күрөш федерациясынын президенттигине азыркы президенттин уулу Максим Бакиев шайланды. Айрым эксперттер муну экс-президенттин уулу Айдар Акаевдин жолун кайталоо катары баалашууда.Балбандарга жардамы тиет деп, президенттин уулунун спортко келишин туура көрүп колдогондор да болууда.

КӨК БӨРҮ БОЮНЧА ПРЕЗИДЕНТ КУБОГУНА ТАЛАПКЕРЛЕР

3 күндөн бери Бишкектеги «Аккула» атмайданында Кыргызстандын эгемендүүлүгүнүн 16 жылдыгына карата өлкөнүн президентинин көкбөрү боюнча кубогуна арналган мелдеш улантылып жатат. Быйылкы мөрөй талашууга чет өлкөлөрдөн командалар келишкен жок. Бүгүн 28-августта жарым финалдык беттешүүлөр үчүн мыктылар иргелип чыгат. Кайсыл командалар баш байгеге талапкер болушу ыктымал.

КАРТИНГ БОЮНЧА ЭГЕМЕНДҮҮЛҮК КУБОГУ

26-августта Алатоо аянтында картинг боюнча Эгемендүүлүк Кубогу үчүн мелдеш болуп өттү. Мөрөй талашууга кыргыз өкмөтүнүн аппарат кызматкерлери, айрым министрлер, мамлекеттик комитет, агенттиктин жетекчилери, маалымат каражаттарынын өкүлдөрү жана “Бител” компаниясынын кызматкерлери катышты.

ОЙРОНУ ЧЫККАН ОППОЗИЦИЯ

ШАНХАЙ “ШЕРНЕСИ”, ИРАН ПРЕЗИДЕНТИНИН ТААРЫНЫЧЫ

ДҮЙНӨНҮ ДҮҢГҮРӨТКӨН ЖЫЙЫН, УН, НАНДЫН КЫМБАТТАШЫ

БЭЭЖИНДЕ БАЛБАНДАРДЫН ДҮЙНӨЛҮК ТАЙМАШЫ БАШТАЛДЫ

20-августта Бээжин шаарында грек-рим жана эркин күрөш боюнча жаштар арасында дүйнө чемпионаты башталды. Алгач грек-рим күрөшү боюнча күч сынашуулар болот. Бээжинге кыргыз туусун кимдер көтөрүп барып, намыс талашканы турат?

“ДОРДОЙ- ДИНАМО” АЗИЯ КУБОГУН САКТАП КАЛАБЫ?

Быйылкы Азия Футбол континенталдык федерациясынын президентинин кубогуна арналган мелдеш Пакистандын Лахор шаарында май айында болмок, бирок өлкөдөгү саясый кырдаалга байланыштуу белгисиз мөөнөткө жылдырылган. Азия футбол конфедерациясынын чечими боюнча бул таймашуулар 20-сентябрда өткөрүлмөк болду. Мында Кыргызстандын үч жолку чемпиону Нарындын “Дордой- Динамо” командасы былтыр жеңген Азия Кубогун сактап калууга мүмкүнчүлүгү барбы?

СПАРТАКИАДА САБАКТАРЫ

Каракол шаарында Кыргызстандын 5-спартакиадалык оюндары 6- августтан 12- августка чейин өткөрүлдү. Андагы мелдештердин деңгээли, уюштуруу иштери тууралуу кайчы пикирлер айтылып, эстафетаны Ош шаары алды.

ПАРИЖ-БЭЭЖИН-ПАРИЖ ЭСКИ УНААЛАР КЕРБЕНИ КЫРГЫЗСТАНДАН ӨТҮҮДӨ

Парижден сапар улаган эски үлгүдөгү автоунаалар кербени Кыргызстандын аймагында Карабалта-Бишкек-Нарын-Торугарт багыты аркылуу жүрүп, 14-августта Нарынды көздөй сапар алды. Париж-Бээжин-Париж багыты боюнча эски автоунаалардын жүрүшү алты өлкөнү аралап, Кыргыз жергесине 13-августта келди.

САММИТКЕ КАРАТА БИШКЕКТЕ АЙРЫМ ДҮКӨНДӨРДӨ ИЧИМДИК САТЫЛБАЙ КАЛДЫ

Шанхай кызматташтык уюмунун Бишкекте өтчү саммитине карата борбордук көчөлөрдөгү дүкөндөрдө спирт ичимдиктерин сатуу 20-августка чейин убактылуу токтотулган. 8-августтан бери ичимдиктердин сатылбай калышына жергиликтүү тургундар жана дүкөн, кафе ээлери нааразы.