"Азаттыктын" штаттан сырткаркы журналисти. Эл аралык AIB сыйлыгынын жеңүүчүсү (2011).
Ташкенде укук коргоочу журналист Дилмурод Саидди жекшембиде үйүнө келгенде кармап кетишти. Өлкөдөгү укуктук кырдаалды сынга алгандыгы үчүн кысымга алынып келген укук коргоочу азыр коркутуу жолу менен акча өндүрүүгө аракеттенген деп айыпталып жатат.
АКШ президенти Барак Обама 787 млрд. доллардык экономиканы колдоо программасына кол койду. Британия да өз банктарына миллиарддаган фунт стерлинг сарптап жатат. Франция болсо жеңил машина чыгаруучуларын колдоодо.
"Вашингтондон кат" деп аталган жаңы рубриканы сунуш этебиз. Анын биринчи санында "Азаттыктын" кабарчысы Хезер Маер АКШнын президенти Барак Обаманын кызматтагы биринчи айына сереп салат.
Хилари Клинтон Кошмо Штаттары Кытай менен алакасын тереңдетип, кеңейтүүгө кызыкдар экендигин билдирди. Бул АКШнын мамкатчысы катары Клинтондун алгачкы чет элдик сапары.
21-февраль - Эл аралык эне тил күнү. Бириккен Улуттар уюму колдогон бул майрам 2000-жылдан бери белгиленип келет. Максаты – лингвистикалык ар кылдуулукту күч алдыруу жана бүгүнгө чейин сакталып калган дүйнөдөгү 6 миңдей тилдин мурастарын сактоо.
Орусия президенти Дмитрий Медведев мындан ары калкка мезгил-мезгили менен кайрылуу жасап турмак болду. Ушул жумадагы теле-кайрылуусунда ал экономикалык кризиске байланыштуу суроолорго кеңири токтолду.
Келерки аптада Тибетте Жаңы жыл башталат. Былтыр марттагы кан төгүүлөргө байланыштуу жергиликтүү уюм Жаңы жыл майрамын бойкоттоп, анын ордуна былтыркы курмандыктарды эскерүүнү сунуш эткен. Бирок Кытай бийликтери Тибетте коопсуздук чараларын күч алдырып, бир эле мезгилде Жаны Жыл майрамын майрамдоого акча таркатып жаткандыгы кабарланууда.
Ирандын Исфахан шаарында Гонабади дервиштеринин сыйынуучу жайы бийликтер тарабынан буздурулганы кабарланууда. 18-февралга караган түнү орун алган буздуруунун себеби так белгилүү эмес, бирок кийинки кездери Иранда Ислам дининдеги Суфи же сопу салтын карманган дервиштерге кысым күч алганы маалым.
Айдын да бир жагы ак, бир жагы кара болгон сыңарында, экономикалык кризис иштин көзүн билбеген жетекчилерден арылып, экономикадагы эрежелерди жакшыртып, жаңыланууну киргизүүгө мүмкүндүк түзөт. Ушуга байланыштуу Орусиядагы кырдаалга белгилүү оппозиция өкүлү, өкмөт башчысынын мурдагы орун басары Борис Немцовдун комментарийин сунуш этебиз.
Кыргызстанда парламент комитеттери АКШнын "Манас" базасын жабуу тууралуу өкмөттүн чечимин жапырт жактырып жатышат. Бул тапта АКШ Ташкен менен Ооганстан боюнча сүйлөшүү баштады. Ошол эле убакта америкалык тарап генерал Дэвид Петреус өзбек бийликтери менен бул өлкөдө база ачуу маселесин көтөрөн жок деп ырастоодо.
Камбоджада бүгүн Кызыл Кхмерлерге каршы алгачкы сот иши башталды. Коммунисттик режим мындан 30 жыл мурда кулагандан кийинки алгачкы сот ишинде ошол кездеги түрмө башчысы Канг Кек Иеуга жана Кызыл Кхмердин мартабалуу дагы төрт өкүлүнө адамзатка каршы кылмыштары үчүн айып коюлууда.
Венесуэланын президенти Хуго Чавез ушул жекшембидеги референдумда президенттик кызмат мөөнөтүнө коюлган чектөөнү алып салынат деп үмүттөнүүдө. Бүгүн саясий оппозицияда ынтымак жок болгондуктан, Хавес акыры түбөлүк президент болуу тилегине жеткени калды.
"Сексуалдык аткезчилик, бүгүнкү кулчулук бизнеси" деген жаңы чыккан китептин автору Сидхарта Кара "Азаттыкка" маек курду.
Өткөн аптада Франция өз экономикасын коргоп калыш үчүн франциялык машина жасоочу ишкананын Чехиядагы бөлүмүн көчүрүп кетиш керек деп чыкты. Буга чейинки кыйынчылыктарга карабастан, Евросоюзда бир да өлкө мындай көз көрүнөө протекционисттик жарыя жасай элек болчу. Биримдикти бир топ дүрбөткөн бул жарыядан кийин учурда анын президенти болгон Чех жумурияты маселени эң жогорку деңгээлде талкуулоону талап кылууда.
Демократияга жана адам укуктарына байланышкан талаштардан улам, Батыш мамлекеттеринин, анын ичинде адам укугун көзөмөлдөгөн батыштык уюмдардын экс-советтик жумурияттар менен алакасы кийинки кездери кыйла солгундап кетти. Ушул жаатта Азаттыктын Кавказ аймагы боюнча серепчиси Лиз Фюллердин комментарийин сунуш этебиз.
Азыркыдай кыйын кезеңде дүйнө руханий кризиске учурайт дешет. Бирок адатта жупуну жашаган көркөм өнөр ээлери турмуш кыйынчылыгына көпчүлүктөн оңоюраак туруштук бере турган касиетке ээ болот окшобойбу.
Мюнхендеги жыйында АКШнын жаңы администрациясынын тышкы саясатынын башкы багыттары анык болду. Вице-президент Жо Байден Вашинтгон дүйнөдө лидерлик ролунан баш тартпай тургандыгын бышыктады.
Беш күнгө созулган соодалашуудан соң демократтар менен республикачылар кризистен чыгуунун 780 миллиард долларлык планын колдоого макулдашышты.
Глобалдык кризистин шартында банктар кайра насыя бере башташы үчүн өкмөттөр аларга атайын акча бөлүүгө мажбур болууда. Ушундан улам Казакстанда үстүбүздөгү аптада өлкөдөгү эң ири жеке менчик банктын акцияларынын көпчүлүгүн өкмөттүн өзүнө алышында эч кандай өзгөчөлүк деле жоктой көрүнөт. Бирок оппозицияга жан тартат деп шектелген банктын эми мурдагы башчысы өкмөттү банкка кол салды деп айыптоодо.
АКШнын президенти Барак Обама шаршембиде өкмөттөн чукул жардам ала турган финансылык компаниялардын жетекчилеринин айлыгы жарым миллион доллар менен чектеле тургандыгын жарыялады. Бул чарадан финансы кризисинде кескин бурулуш деле болбойт, бирок ишсиз калып, үйлөрүнөн айрылган америкалыктарды өтө кубанткан мындай кадам чоң символикалык мааниге ээ жана Обаманын кризисти тизгиндөө аракеттерине колдоону күчөтөт деп болжолдонууда.
Дагы жүктөңүз
