"Азаттыктын" штаттан сырткаркы журналисти. Эл аралык AIB сыйлыгынын жеңүүчүсү (2011).
Батышта маалымат каражаттары аркылуу эксперттер өкмөттөрдү "Жаман банктарды" түзүүгө чакырышууда. Глобалдык кризис менен күрөштөгү дагы бир сунуштун чоо-жайы "Азаттыктын" бул темага арналган түрмөгүнүн экинчи санында сөз болот.
1979-жылы Ирандагы исламдык төңкөрүшкө ушул күндөрү 30 жыл толууда. Бул күнү ирандыктар бийликтердин экономикалык акыйкаттык тууралуу берген убадалары аткарылбаган бойдон калгандыгын эскеришүүдө.
Ооганстандын чыгышындагы кыштакта бир кыздын берешендиги менен кыздар мектебинин багы ачылды. Өспүрүм кыз өзүнө мураска калган жерден мектептин үлүшүнө баш тарткандан кийин окуучулар батпай калган класстарды кеңейтүүгө мүмкүнчүлүк түзүлүүдө.
Тажикстан ар дайым Орусиянын кыйышпас шериги саналчу. Ошондуктан ушул аптада тажик президентинин көз-көрүнөө Москва сапарынан баш тартышы эки ортодо алака бир топ эле начарлап кеткендигинен кабар берет. Эмомали Рахмондун Москвадагы маанилүү жыйындарга келбей калышынан мурда Орусия менен Тажикстандын ортосунда Борбор Азиядагы суу маселесине байланыштуу ыйкы-тыйкы абал түзүлгөн эле.
Түштүк Азияда экстремизмден айрыкча жапа чеккен Ооганстан менен Пакистандын бул көйгөй менен күрөшкө карата көз караштары анчейин шайкеш келбейт. Бирок барган сайын алардын позициясы улам жакындап барат.
Ташкенде бийликтер көчөлөрдү көркөмдөө иштерин күч алдырууда. Ушуга байланыштуу тартип коргоочулар шаар тургундарынын эшигин кагып, балконго кир жайгандар батирлеринен ажырап калат деп коркутуп жатышат.
Ооганстандын тышкы иштер министри Ранжин Дадфар Спанта жакында Прагада болуп, Европа союзунун президенти болгон Чех жумуриятында бир катар жолугушууларды өткөрдү. Соңку келишинде ал өз өлкөсүнүн АКШ жана эл аралык коомчулук менен алакасы, Орусиядан курал алуу, талибдер менен кызматташтууга байланышкан Азаттыктын айрым курч суроолорго жооп берди.
Пулицер сыйлыгынын ээси, америкалык жазуучу Жон Апдайк 76 жашында өпкө рагынан дүйнө салды. 1950-жылдардан тартып 50дөн ашык китеп жазган Апдайк адабий сөздүн нагыз чебери болгон. Романдардан тышкары, ал ыр, аңгеме, эссе жазып, адабият жана көркөм өнөр боюнча белгилүү сынчылардын бири саналган.
Украинанын гривнасы, Орусиянын рублу, Венгриянын флоринти. Кезек эми казактардын тенгесине келди окшойт. Глобалдык экономикалык кризистин айынан Борбордук жана Чыгыш Европада жана Орусияда акыркы бир нече айда улуттук валюталар төрттөн биринен ашыкка арзандады. Азыр эми Казакстанда тенгенин девальвациясы тууралуу айтылууда. Тенгенин нарксызданышы эмнени билдирет?
Ооганстанда талиптерге каршы согуштун мезгилинде карапайым тургундардын арасында өлүмдүн көбөйүшү оогандарды нааразы кылып келатат. Ушундан улам өлкөнүн президенти АКШ менен НАТОнун Ооганстандагы согуштук операцияларына ооган өкмөтүнүн көзөмөлүн күчөтүүнү талап кылууда. Хамид Карзай көздөгөнүнө жете алабы, же болгону шайлоо жылында саясий упай топтоонун айласында болуп жатабы?
Буш администрациясынын саясатынан дагы бир ажырымга жол салып, АКШнын Мамкатчысы климаттын өзгөрүшү боюнча атайын өкүл дайындады. Хиллари Клинтон ошондой эле айлана-чөйрөнү коргоо саясатын багыттоодо Обаманын администрациясы АКШга болгон ишенимди жана анын лидерлик ролун калыбына келтирет деп ишендирди.
Барак Обама менен жаңыча мамиле түзүүгө умтулган Евробиримдиктин Кошмо Штаттары менен бир топ талаштуу маселелери бар. Америкалык жаңы президент приориттеттүү деп санаган Ооганстан, Жакынкы Чыгыш, Иран маселелеринде европалык мамлекеттерде ички кысым, дипломатиялык алсыздык же коммерциялык эсеп-кысапка байланышкан кыйынчылыктар бар.
Голландияда парламенттин мүчөсү Геерт Вилдерске өз тасмасы менен исламга шек келтирген деген айып коюлду. Бирок мусулмандарды дискриминациялап, жек көрүүчүлүктү козуткандыгы үчүн күнөөлөнгөн мыйзамгерге кандай жаза берилээри бир нече айдан кийин гана белгилүү болот.
АКШнын жаңы президенти Барак Обама калкына кайрылган сөзүндө карама-каршылыктарды унутуп, бүгүнкү күндүн эң орчундуу маселелерин чечүү үчүн ынтымакташууга чакырды.
"АКШнын жардамы менен Ирандын исламчыл бийлигин кулатуу кутумуна катышкан" деген кине менен Иранда эки белгилүү дарыгер 3 жана алты жылга эркинен ажыратылды. ЖИКС же СПИД оорусун дарылаган Араш Алаей жана анын бир тууганы Камяр Нобел сыйлыгынын лауреаты Ширин Эбадинин Тегерандагы укуктук борбору жабылгандан кийин соттолуп отурат.
Орус офицери өлтүргөн чечен кыздын үй-бүлөсүнүн адвокатын дүйшөмбүдө Москвада атып кетишти. Белгилүү адвокат Станислав Маркеловго ал жаңы эле журналисттердин суроолоруна жооп берип чыкканда кол салышты. Анын жанындагы кабарчыга да ок жаңылып, алган жараатынан көз жумду.
АКШнын бүгүн расмий ишке киришип жаткан президенти Барак Обама өз мекенинде да, дүйнөдө да атагы таш жарып турган чак. Албетте анын популярдуулугу бир күндүк эмес, бирок бул көпкө созулаары да күмөн. Себеби АКШнын ички жана тышкы саясаттагы ролу жана таасири канча кең болсо, өлкөнүн алдында турган кыйынчылыктар да ошончолук оор болуп турган чак.
Кошмо Штаттарында Барак Обаманын президенттикке расмий киришинин алдындагы салтанаттар башталды. Жекшембиде Вашингтондо АКШнын 44-президентинин инаугурациясын майрамдоонун биринчи күнүнө жүз миңдеген киши келди.
Келерки жумада Францияга Казакстандан интеллигенциянын жооп тобу келүүдө. Жазуучулар, окумуштуулар, көркөм өнөр өкүлдөрүнөн турган бул топ Түркстандын туңгуч президенти Мустафа Чокайдын Францияда жашаган жерлеринде болуп, анын музейин ачуу мүмкүнчүлүгүн талкуулашмакчы.
Үстүбүздөгү жылды Бириккен Улуттар уюму Астрономиянын жылы деп жарыялаган, себеби мындан туура 400 жыл илгери Галелео Галилей христиан чиркөөсү ырастагандай, дүйнө жердин айланасында эмес, жер күндүн айланасында айланат деген теорияны ырастаган. Галилейден кийинки Кайра жаралуу доорунда Европада астраномониянын гүлдөп-өнүгүшүн ага чейинки кылымдардагы Исламдын "алтын доору" шарттаган. Ал эми астрономия илими байыркы замандардан эле ар бир элди кызыктырып, диний ишенимдерге жана дүйнөгө болгон көз караштарга терең таасир тийгизген.
Дагы жүктөңүз
