Кыргызстандын президенти Садыр Жапаров 2-4-октябрь күндөрү Италияга жана Ватиканга расмий сапар менен барат.
Бул тууралуу президенттик администрациясынын тышкы саясат бөлүмүнүн башчысы Муратбек Азымбакиев билдирди.
Маалыматка ылайык, президент Садыр Жапаров сапар учурунда Италиянын президенти Сержо Маттарелла, Министрлер кеңешинин төрайымы Жоржиа Мелони, Депутаттар палатасынын төрагасы Лоренцо Фонтана жана Сенаттын төрагасы Иньяцио Ла Русса менен жолугушуп, сүйлөшүүлөрү пландаштырылган.
Италияга сапар алкагында тараптар кыргыз-италия мамилелеринин бүтүндөй комплексин жана алардын өнүгүү келечегин талкуулашат, эл аралык күн тартиби боюнча пикир алмашат.
4-октябрь күнү мамлекет башчы Садыр Жапаровдун Рим Папасы Франциск менен жолугушуусу болот.(ZKo)