Эл аралык террордук топторго кошулган тажикстандыктардын 85 пайызы ислам өлкөлөрүнө Орусиядан барышкан. Бул маалымат Тажикстандын Ички иштер министрлигинин академиясынын окутуучулары жарыялаган макалада жазылды,
Макаланын авторлору кылмыш ишин талдап, тажик жаштарынын 90% жакыны Орусиядагы экстремисттик топтордун таасиринде болгонун белгилешкен.
2014-жылдан бери 2 миңдей тажик жараны ИМ террорук тобуна жана башка топторго кошулуп, алардын көбү согушта курман болушкан.
Макаланын авторлору эмгек мигранттарынын арасында салафиттик-ваххабиттик идеологиянын таасири күчөп, улуттук коопсуздукка коркунуч туудуруп жатканын эскертишет. Алар Орусиядагы ата-энелерди жана тажик диаспораларын экстремизмге каршы күрөштү күчөтүүгө чакырышкан.
Ал арада тажик бийлиги диний эркиндикти катуу чектеп, мечиттерди жаап, диний билим берүүгө тыюу салганы белгиленип келет.
Жыл сайын 1 миллионго жакын тажикстандык Орусияга иштөө үчүн кетишет.
