Бишкектин Биринчи Май райондук соту 20-мартта ырчы, акын жана активист Аскат Жетигенди 19-майга чейин Улуттук коопсуздук боюнча мамлекеттик комитеттин (УКМК) убактылуу кармоочу жайына камакка алды.
Адвокаты Венера Буудайбекова ырчыга 2024-жылдын 15-мартында Фейсбуктагы баракчасында жасаган кайрылуусу боюнча Кылмыш-жаза кодексинин “Массалык баш аламандыктар” беренеси менен дагы бир эпизод боюнча кылмыш ишин козголгонун айтты.
УКМК 16-мартта Аскат Жетигенди Кочкор районунан кармап, Бишкек шаарына алып келген. 48 саатка камакка алган.
18-мартта Бишкектин Биринчи Май райондук соту аны эч жакка чыкпоо тилкаты менен бошоткон.
Венера Буудайбекова буга чейин, УКМК ырчынын видео билдирүүлөрүнөн улам “бийликти басып алууга чакырык жасалган” деген айып менен 2022-жылы кылмыш ишин козгогонун кабарлаган. Аскат Жетиген ага байланыштуу бир нече жолу сурак берип чыккан. Тергөөчү ырчы сөздөрүнө байланыштуу экспертизалык корутундунун негизинде кармалганын айткан.
Атайын кызмат комузчуга козголгон иштер боюнча азырынча расмий маалымат бере элек.
Аскат Жетиген ырчы, комузчу, обончу, композитор, акын. Ал 18 жашында “Ордо Сахна” фольклордук-этнографиялык ансамблине жетекчи болуп, бир нече жыл аны менен 20дан ашык өлкөнү кыдырган. 2021-жылы өзүнүн чакан концертин өткөргөн. Анын “Зарыкканда” деп аталган ыры менен эл арасында белгилүү.
Дагы караңыз
БУУнун палестиналык качкындар боюнча өкүлү Газага кире албай жатканын айттыОшто депутаттар мэрдин сессияга келбегенине нааразылык билдирүүдөПакистанда көмүр шахтасындагы жарылуудан 12 адам каза болдуОрусиянын эки облусу дрон чабуулуна кабылды Назарбаевдин жакын тууганы шарттуу түрдө соттолгону белгилүү болду Милиция жашы жете элек кыздын зордукталышы тууралуу маалымат берди 19-март: Мадумаровдун сотундагы өтүнүч, 24.kg агенттигинин жаңы ээси, Жакынкы Чыгыштагы казак аскерлери
Аскат Жетиген 2021-жылдан баштап азыркы бийликтин аракеттерин кескин сындаган видео билдирүүлөрдү чыгарып келген. Анын ичинде казинону иштетүү, желекти өзгөртүү боюнча каршы пикирин билдирип, активисттердин камакка алынышын жана маданият тармагындагы реформаларды айыптаган. (BTo)