27-декабрда Ош шаардык кеңешинин депутаттары кезектеги сессиясында шаардын пландоо долбоорун бекитти.
Буга чейин 2017-жылы башкы план кабыл алынганы менен деталдык пландоо иштери толук бүтпөй келген. Деталдуу пландоого шаардын борбордук бөлүгү тагыраагы 3500 гектар аянты кирген. Шаардын башкы планы боюнча жалпы 400 миң адам жашоого ылайыкташып жаңы 24 бала бакча, азыркы иштеп жаткан мектептерди кошкондо 100дөн ашык мектептин курулушу каралган.
Андан сырткары жолдорду кеңейтүү, көп кабаттуу үйлөрдүн бийиктиктерин аныктоо, жашыл аймактар, өндүрүштүк аймактар сыяктуу жумуштар киргизилген.
Деталдык пландоо иштери 2017-жылы башталып, 19 миллион сомго жакын каражат бөлүнгөн. Ош – Кыргызстанда Бишкектен кийин эле эң ири шаар. Расмий маалымат боюнча, шаарда 360 миңден ашык калк жашайт. (DSh)
Дагы караңыз
Херсондогу вокзалга урулган соккудан жай тургундар жабыркадыКемпир-Абад иши: Азимбек Бекназаров сот залынан дагы чыгарылдыАкылбек Жапаров Мамлекеттик лотерея компаниясын жабууну сунуштадыБашкы прокурор депутат Жамгырчиевди жоопкерчиликке тартууга уруксат сурадыБир катар аткаминерлер, депутаттар мамлекеттик сыйлыктар менен сыйландыПарламент Төрөбаевди министр кызматына талапкерлигин жактырдыТүркия парламентинин негизги комитети Швециянын НАТОго киришин колдодуТыныбекова Спорттук-реабилитациялык борбордун жоюлушуна каршы экенин айтты