Оштун Кара-Суу районунда мүмкүнчүлүгү чектелген адамдардын "Биз да өз күчүбүздү көрсөтөбүз" деген спорттук мелдештери өтүп жатат.
Иш-чара "Сезим" майыптар коомдук фондунун түзүлгөн күнүнө карата уюштурулуп жатат.
Фонддун жетекчиси, мелдештердин уюштуруучусу Камил Майнаев "Азаттыкка" билдиргенине караганда, жалпысынан ага 80 адам катышууда. Алар Ош, Жалал-Абад жана Баткен облустарынан келген 1, 2 жана 3-топтогу майыптар.
Быйыл үчүнчү жыл уюштурулган мелдештер спорттун шахмат, шашка, кол күрөш, таш көтөрүү жана алкакты айлантуу сыяктуу түрлөрүнөн өтүүдө. (MdN)
