Кыргызстанда 1-сентябрь күнү Курман айт майрамы белгиленерин Муфтияттын басма сөз кызматы билдирди. Буга байланыштуу кыргызстандыктар 31-август - Эгемендик күнүнөн баштап төрт күн эс алышат.
Майрамга карабай, 1-сентябрда мектептерде Билим күнү да белгиленип, чогулуш жана класстык сааттар өтөрүн Билим берүү жана илим министрлигинен кабарлашты. Мектептерде сабактар 4-сентябрда башталат.
Курман айт мусулмандардын негизги майрамдарынын бири. Бул күнү Сауд Арабиядагы ажылык сапарлары да жыйынтыкталат.
