Бишкекте орус дипломаттарынын автоунаасы менен кагышкан “Мерседес-Спринтер” унаасынын айдоочусу каза болду. Мындай маалыматты Саламаттыкты сактоо министрлигинен кабарлашты.
Маалыматка караганда, 62 жаштагы айдоочу өтө оор абалда ооруканага түшүп өзүнө келбей каза болгон. Ал кырсык учурунда башынан катуу жарат алган.
Ал эми Бишкектеги Травматология жана ортопедия илим изилдөө борборунан кырсыкка кабылган орус элчилигинин айдоочусунун абалы жакшы экенин айтышты.
Жол кырсыгы 16-февралда Фучик көчөсүндө болгон. Орусиянын Кыргызстандагы элчилигинин “Тойота Прадо” үлгүсүндөгү унаасы “Мерседес-Спринтер” жүк ташуучу унаасын келип сүзгөн. Айрым маалымат каражаттары орус элчилигинин унаасындагы адамдар мас абалында болгонун жазып чыкты.
Орусиянын элчилигинен жол кырсыгы тууралуу маалыматты тастыкташты.(BkA)
Интернеттен алынган тасма.
