16-декабрда түштө орун алган кырсыкта төрт адамды кен басып калган. Алардын экөөнүн сөөгү табылды, бирөө аман-эсен куткарылып, ооруканага түштү. Дагы бири изделүүдө. Бул тууралуу Өзгөчө кырдаалдар министрлигинин Жалал-Абад облустук башкармалыгынын жетекчиси Абдишарип Бекилов "Азаттык" радиосуна билдирди. Анын айтымында, кырсык кароосуз калган көмүр шахтасында болгон. Кен кыртышы басып калган төрт киши өз алдынча көмүр казып жүргөнү аныкталды. Азыр алардын бирин чыгаруу аракети уланууда.
Буга чейин кенде эки адам уранды алдында калганы кабарланган эле.
