Кыргыз-казак чек арасындагы “Каркыра” көзөмөл бекетинен кыргызстандык жаран Казакстанга ок-дары алып өтүүгө аракет кылган жеринен кармалды. Бул тууралуу Мамлекеттик чек ара кызматы маалымдады. Анда айтылгандай, жаранды тинтүү учурунда жанынан 7,62 мм калибрдеги мылтыктын 10 даана огу жана 5,6 мм калибрдеги мылтыктын 59 даана огу табылган.
Чек арадан ок-дары алып өтүүгө аракеттенген жаран ИИМдин аймактагы башкармалыгына өткөрүлүп берилген.(ZKo)
