Бул тууралуу бүгүн премьер-министр Темир Сариев Чехиянын парламентинин төрагасы Ян Гамачек баштаган делегация менен жолугушууда билдирди. Анын айтымында, бул долбоорлордун баасы 190 миллион долларды түзөт.
Ошондой эле Сариев Прага-Бишкек-Сеул авиакаттамын ачуу, Кыргызстандын туристтик жаатта кызматташуусун өнүктүрүү маселесин көтөрдү.
Чехиянын Кыргызстандагы толук жана ыйгарым укуктуу элчиси Элишка Жигова Чехия Кыргызстан менен кызматташтыкты кеңейтүүгө кызыкдар экенин, соода-экономика, маданий жана туризм тармактарында долбоорлорду талкуулоого даярдыгын билдирди.
Жети депутат, ондон ашык ишкерлерден турган Чехиянын делегациясынын иш сапары эртең жыйынтыкталат. (AzK)
