Электр энергиясына болгон баа апрель айында көтөрүлбөйт. Бул тууралуу премьер-министр Темир Сариев бүгүн өкмөттүн оперативдүү жыйынында билдирди.
Премьер-министрдин маалымат катчысы Бакыт Асановдун айтымында, Темир Сариев акыркы учурда электр энергиясына тариф көтөрүлөрү тууралуу айтылган сөздөр чындыкка жатпай турганын билдирип, өкмөттүн мындай планы болбогонун кошумчалады.
- Электр энергиясына тариф орто мөөнөттүү тариф саясатына карата аныкталат. Ага ылайык, электр тарифин көтөрүү каралган жок, - деди Темир Сариев.
Премьер-министр жарандарга туура маалымат жеткирүү үчүн тиешелүү органдарга түшүндүрүү иштерин жүргүзүүнү күчөтүү керектигин айтты. (RK)
