Жогорку Кеңеш бүгүн Орусия убада кылган ГЭСтер боюнча макулдашуудан чыгууга байланыштуу мыйзам долбоорлорун дароо үч окууда добуш берүүгө жөнөттү. Ага чейин алар бардык фракцияларда да, тиешелүү комитеттерде да колдоо тапкан.
Жогорку Нарын ГЭСтер каскадын жана Камбар-Ата-1 ГЭСин куруу тууралуу макулдашуу кыргыз жана орус өкмөттөрүнүн ортосунда 2012-жылы кабыл алынган. Бирок кыргыз тарап Орусиянын айынан иш жылбай жатканын айтып макулдашууну денонсацияламай болуп жатат. (RK)
