Бул тууралуу премьер-министр Жоомарт Оторбаев бүгүн Март ыңкылабынын он жылдыгына байланыштуу мамлекеттик “Ала-Арча” резиденциясында өтүп жаткан илимий-практикалык конференцияда билдирди. Ал 24-март жана 7-апрелдеги көптөгөн фактылар аягына чейин изилденбегенин, тарыхчы, окумуштуулар терең баа бериши зарылдыгын айтты.
Жыйында сүйлөгөндөр Кыргызстанда болуп өткөн революциялар бийлик үчүн сабак болушу керектиги белгиледи.
Бүгүн “Ала-Арча” резиденциясында "2005-жылкы март жана 2010-жылкы апрелдеги элдик ыңкылаптар: себептери жана сабактары” деген аталыштагы жыйын өтүп жатат. Ага Жогорку Кеңеш төрагасы Асылбек Жээнбеков, өкмөт башчы Жоомарт Оторбаев, президенттик аппараттын башчысы Данияр Нарымбаев, илимий кызматкерлер, ыңкылаптардын катышуучулары чакырылган. (КЕ)
