Мындай маалыматты Баткен районунун имамы хатиби Нуридин ажы Мамасабыров “Азаттыкка” билдирди. Баткен району боюнча диний кызматкерлер жыл жыйынтыгын чыгарган иш-чарада 2014-жылда аткарылган иштерди жана келээрки жылга пландарды бекитүүнү карап жатат. Диний кызматкерлерди аттестациядан өткөрүү, Коргоо кеңешинин диний экстремизмдин алдын алуу менен мыйзамсыз агымдарга каршы туруу боюнча иш-чаралар талкууланмакчы.
Буга чейин аймакта дин кызматкерлеринин калк арасында диний түшүнүк берүү, экстремисттик агымдарга каршы туруу боюнча билим сапаты жетишээрлик эмес деген дооматтар айтылып, жогорку окуу жайларда, айылдарда бул жаатта иш жүргүзүү боюнча аракеттер башталган. (JsA)
