Футбол боюнча Кыргызстан биринчилигинин жыйынтыгы мөөнөтүнөн мурда чыкты. 1-ноябрда өткөн оюнда бишкектик “Дордой” командасы “Алай” командасын 1:0 эсебинде утуп, ири упай артыкчылыгы менен мөөнөтүнөн мурда чемпион аталды. Бул тууралуу “Азаттыкка” футбол боюнча Топ-лиганын маалымат катчысы Базарбек Абдураимов билдирди.
Буга чейин «Дордой» 2004-жылдан 2009-жылга чейин катары менен жана 2011, 2012-жылдары алтын медал ээси болгон.
"Дордой" 48 упай менен суурулуп чыкса, кийинки орунда 40 упай менен "Абдыш-Ата", 35 упай менен “Алга” командасы келатат.
Чемпионат 5-ноябрда жыйынтыкталып, калган орундар аныкталат. (МТо)
