Бишкектин Биринчи май райондук сотунда "Кыргызалтын” ишканасынын мурдагы жетекчиси Дилгер Жапаровго козголгон кылмыш иш боюнча сот жараяны уланууда. Жараянда күбөлөр көрсөтмө берип жатышат. Алгачкы болуп “Кыргызалтындын” вице-президенти Кылычбек Шакиров көрсөтмө берүүдө.
Башкы прокуратура Дилгер Жапаровду “Кумтөр Голд компани” ишканасынан өкмөттүн макулдугусуз “Центерра Голд” компаниясына 200 млн. долларды дивиденд катары мыйзамсыз которгон деп айыптап, 29-майда кармаган. Ага Кылмыш-жаза кодексинин “коммерциялык жана башка уюмдардын өкүлдөрү тарабынан кызматтык абалынан пайдалануу" беренесинин негизинде кылмыш иши козголгон. (BkA)
