Кечээ кечинде демонстранттар кайрадан ордо калаа Манаманын Бермет аянтына кайтып барып, чатырларга жайгашты. Оппозиция менен ханзада Салман бин Хамад ал-Халифа бүгүн сүйлөшүүлөрдү башташат деп күтүлүүдө. Бир жумадан бери уланып келаткан көчө чыгуулары кагылышуулар менен коштолуп, бери дегенде 6 киши каза болду. Ишембиде жасаган телекайрылуусунда ханзада сабырдуулукка жана саясйи диалогго чакырды. Анын алдында оппозициянын талабына ылайык, аскерлер көчөлөрдөн чегинген.
