15-16-июнда Россиянын Екатеринбург шаарында болгон Шанхай кызматташуу уюмуна кирген өлкөлөрдүн президенттеринин саммитинде Декларация кабыл алынды. Анда дүйнөдө көп уюлдуулук орноосу кайрылгыс катары бааланып, дүйнөлүк каржылык кризиске каршы биргелешип күрөшүү, өзөктүк куралдын жайылышына жол бербөө, Ооганстандагы кырдаалды жөнгөрүүгө активдүү катышуу, эл аралык уюмдар менен кызматташууга дилгирлик билдирилген. Декларацияга Казакстан, Кытай, Кыргызстан, Россия, Тажикстан жана Өзбекстан президенттери кол койгон. (AiT)
