Мындай маалыматты Нарын облустук шайлоо комиссиясынын төрайымы Майрам Тиленчиева билдирди. “Аталган партиядан сунушталган Советбек Байчериков Нарын райондук шайлоо комиссиясынын мүчөлүгүнөн өз арызынын негизинде, ал эми Эрнист Абдразаков шайлоо кодексинин 16-беренесинин 3-бөлүмү менен Ак-Талаа райондук шайлоо комиссиясынын мүчөлүгүнөн чыгарылды»,-дейт Майрам Тиленчиева. «Ак шумкар» партиясынын Нарын облусу боюнча координатору Урмат Акунов бул маалыматты тастыктап, «партия атынан райондук шайлоо комиссия курамына киргендер туугандары тарабынан кысымга алынгандыктан мүчөлүктөн чыгып кетишүүдө»,- дейт. Нарын облусундагы 5 райондук, 1 шаардык шайлоо комиссиясынын мүчөлүгүнө чүчү кулак кармоонун негизинде «Ак шумкар» партиясынан 5 адам кирген болчу. (KUs)
«Ак шумкар» партиясынан сунушталган эки адам райондук шайлоо комиссиясынын мүчөлүгүнөн чыгарылды
