“Журналисттер зордуксуз саясат үчүн” деген акциянын алкагында бүгүн дүйнөдөгү 21 мамлекеттин журналисттери Орусия менен Грузияны сүйлөшүүгө чакырууда. Бул тууралуу медиа-кеңешчи Назира Раимкулова менен “Жарандык коом жана демократия үчүн” коалициясынын жетекчиси Динара Ошурахунова маалымат жыйынында билдирди. Алардын айтымында, журналисттер маалымат жыйындарын өткөрүп, аталган эки өлкөнүн жетекчилерине багытталган кайрылууга кол коюп жөнөткөн жатышат. Кайрылууда согушту токтотуу, дипломатиялык алакаларды калыбына келтирүү, качкындарды кайтарып, алардын коопсуздугун камсыз кылуу талаптары айтылат.(BD)
