Президент К. Бакиевдин жарлыгы боюнча «Эрдик» медалы менен Аксы окуяларынын учурунда активдүү атуулдук өрнөк көрсөткөндүгү үчүн өлгөндөн кийин Бекмуратов Медетбек, Назаркулов Шералы, Сапаралиев Кадыркул, Тагаев Советбек, Үмөталиев Элдияр, Үркүмбаев Сатимбай, Четинбаев Бегалы сыйланды. Алардын алтоо 2002-жылы Аксы окуясынын учурунда милиция аткан окко учуп кайтыш болгондор. Ал эми Шералы Назаркулов депутат Азимбек Бекназаровду бошотуу талабы менен ачкачылык кармап отуруп каза болгон.
