Жакында Тажикстан бийлиги Памир тоо кыркасындагы өтө бийик чокуларга Совет доорунда берилген аталыштарды жокко чыгарып, жаңы аталыш бергендигин кабардаган элек. Алардын бири – мурдагы Ленин чокусу – эми Көз каранды эместик чокусу болуп калды. Кыргызстанда бул окуяга чоң маани бериле элек, бирок айрым адистер чек ара аймагындагы тоо чокусунун аталышын өзгөртүү болочокто чек араны тактоо жаатында талаш-тартыш жаратышы ажеп эмес деген чочулоосун билдирүүдө. Тынчтыкбек Чоротегин Борбордук Азиядагы, асыресе Фергана аймагындагы чек аралар тарыхы боюнча адис, ушул тапта Лондондо жашаган илимпоз Арслан Койчиев менен дал ушул көйгөйлүү суроонун тегерегинде маек курду.
Тектеш
