Украина: Бээжин туткунга түшкөн аскерлер тууралуу маалыматты текшерүүдө

Орусиянын армиясы 9-апрелге караган түнү Украинанын бир катар аймактарына дрондор менен чабуул койду. Ондогон киши жабыркады. Ошол эле маалда орус бийлиги да украин күчтөрүн аба соккулар үчүн күнөөлөдү. Ал арада расмий Бээжин Украинада кытай жарандарынын колго түшкөндүгү тууралуу кабарларды текшерип жатканын билдирди. 8-апрелде украин президенти Владимир Зеленский орус тарапта согушуп жүргөн кытайлык аскерлер туткунга түшкөнүн маалымдаган.