Батуми шаарынын соту Ажар жумуриятынын мурдагы лидери Аслан Абашидзени камакка алууну буйрук кылды.

Абашидзе мамлекеттик мүлккө кол салуу, мыйзамсыз камакка алуу, кызматынан кыянаттык менен пайдалануу жана Ажария менен Грузияны туташтырган көпүрөнү кыйратуу жөнүндөгү буйрук бергендиги үчүн айыпталууда.
2004-жылы Абашидзе кызматынан алынып, Россияда баш пааналаган.
Анын адвокаты Шалва Шавгулидзенин айтымында, грузин бийлиги Абашидзе сот жообуна тартылбайт деп сөз берди. Бирок башкы прокуратура адвокаттын ырастоосун төгүнгө чыгарды.