20-сентябрда эртең мененки саат ондор чамасында Өкмөт үйүнүн жанына чогулган 50 чакты адам Азимбек Бекназаровдун кызматтан алынганы тууралуу жардыкты угуп, ага нааразы болгондон улам шашылыш чыгышканын айтышып, президентти мындай кадамга барганы үчүн айыптап жатышты. Алар ушул эле жерде Азимбек Бекназаровду коргоо комитетин түзүшүп, президенттин наамына кайрылуу даярдашты. Наарзылык чаранын катышуучуларынын айтымында, учурда кайрылууга кол койгондордун саны жүздөн ашып калды жана мындай коомдук комитеттер республиканын башка аймактарында да түзүлүүдө. Байкоочулардын баамында, түш ченде нааразылык билдирип чыккандардын саны жүзгө чукулдады.
Түшкө жуук келген Биринчи май райондук ички иштер бөлүмүнүн башчысынын орун басары Самудин Айдаров нааразы тарапты бул жерден кетүүсүн, нааразылык чаралары үчүн атайын бөлүнгөн Максим Горький атындагы аянтчага барып, нааразылыгын улантуусун талап кылды жана буга көнбөсө күч колдонулаарын эскертти.
Бирок нааразылыкка чыккандар мындай талапка көнгөн жок. Нааразылык чарасы уланууда
Түшкө жуук келген Биринчи май райондук ички иштер бөлүмүнүн башчысынын орун басары Самудин Айдаров нааразы тарапты бул жерден кетүүсүн, нааразылык чаралары үчүн атайын бөлүнгөн Максим Горький атындагы аянтчага барып, нааразылыгын улантуусун талап кылды жана буга көнбөсө күч колдонулаарын эскертти.
Бирок нааразылыкка чыккандар мындай талапка көнгөн жок. Нааразылык чарасы уланууда
