Украина: Орусиянын соккусунан Сумыда 10дон ашуун киши набыт болду

Украинанын Сумы облусунда кечээ кечинде урулган соккудан каза тапкандардын саны 10дон ашты. Арасында 2 бала бар, 89 киши жараат алды. Жергиликтү бийлик 18-ноябрда билдиргендей, дүрмөт турак жайга тийген. Экинчи соккудан кийин облустук администрация электр жарыгысыз калды. Кыш киргени орус күчтөрү Украинанын энергетикалык жайларына чабуулун күчөттү. Ал арада америкалык медиа Вашингтон Киевге өз куралы менен Орусиянын аймагына сокку урууга уруксат бериши мүмкүн экенин жазды. Кремль андай чечим АКШ Орусия менен "тикелей жаңжалга кириптер болот" дегенди билдирерин айтып, Байдендин администрациясын эскалация үчүн айыптады.