БИШКЕК. Илдеттин алдын алуу үчүн Кыргызстанда чек арадагы санитардык бекеттерде көзөмөл күчөтүлүп, Орусиядан жана Казакстандан канаттууларды жана жан-жаныбарлардын этин алып кирүүгө тыйуу салынган. Бул тууралуу Саламаттыкты сактоо министрлигинин санитардык көзөмөл департаментинен билдиришти. Дүйнөлүк саламаттык сактоо уюмунун маалыматы боюнча, канаттуулар тумоосунан былтыр Вьетнамда жана Таиландда 38 адам каза тапкан. 2005-жылы июль айынын баштап бул илдет Орусияны да каптап, андан соң Казакстандын Акмоло, Павлодар облустарында да каттала баштаган.
