БИШКЕК. 16-20-июль күндөрү Тажикстандын борбору Душанбе шаарында кыргыз-тажик чек арасын аныктоо боюнча жумушчу топтун жыйыны болду. Бул тууралуу кыргыз делегациясынын башчысы, өкмөттүн регионалдык маселелер боюнча бөлүмүнүн жетекчиси Саламат Аламанов билдирди. Анын айтымында, сүйлөшүүлөр өз ара түшүнүүчүлүк деңгээлде өттү. Эми тараптар өкмөттүк делегациялар деңгээлинде күз айларында Бишкекте сүйлөшүүнү улантат.
