Сауд Аравиядагы Ислам өлкөлөрүнүн оюндарына 53 мамлекеттин спортчулары катышты.Бул оюндарда кыргызстандыктар спорттун 5 түрүнөн күч сынашты. Кыргызстандык суучул Юрий Захаров 2 коло медаль утуп алган. Оор атлетика боюнча 69 килограмм салмактагы балбандардын күч сынашуусунда жаштар арасында Азия чемпиону Кутман Молдодосов Ислам оюндарынын күмүш жана 2 коло байгесин жеңип алган. Ошондой эле кыргызстандык оор атлетчи, Афина олимпиадасынын катышуучусу, студенттер арасында дүйнө чемпиону Улан Молдодосов Ислам оюндарынын 2 алтын медалын тагынды. Уланга түртүп көтөрүүдө күмүш байге ыйгарылды.
