Сталиндик заманда 40 миңден ашык кыргызстандык репрессияланып, алардын 4000ден ашыгы өлүмгө кеткени тууралуу маалымат бар. Атылып кеткен маркумдардын Чоң-Ташта көмүлгөн 137синин сөөгүн 1990-жылы таап берип, тарыхка кирген легендарлуу Бүбүйра Кыдыралиева 96 жашында дүйнөдөн өттү.
Журналист Шайырбек Абдырахман Париж Олимпиадасы жыйынтыкталгандан кийин кыргыз спортчулары жаш муунга үлгү көрсөтүп, каарман болгонун, эми алдыда билим, маданият, медицина жана башка тармактардын да мыктылары даңазаланышы керектигин айтып чыкты.
8-10 август аралыгында Ысык-Көл облусунун Тосор айылынын Улуу Үркүн окуясын эскерген кезектеги жөө жүрүш болуп өттү. Аны “Тосор коому” “Эсимде” изилдөө аянтчасы менен биргеликте уюштурган.
Журналист, документалист-режиссер Жаңыл Жусупжандын "үркөр, үркөр – үч жылдыз, үркүп кайда барасың" (The Prisoner of Wakhan/Ваханский узник) аттуу фильми 15-августта Бишкекте көрсөтүлдү. Анда Ооган кыргыздарынын кыргыз жергесиндеги турмушу, башынан өткөргөн түрдүү сыноолору чагылдырылган.
“Бул Олимпиада Борбор Азия өлкөлөрүн болуп көрбөгөндөй бириктирди”, - дал ушундай пикирлерин социалдык тармактын колдонуучулары жазышууда. Боордош элдер бири-бирин колдоп жаткан жүздөгөн видео интернетке жарыяланды
Сталиндик репрессия учурунда атылгандар массалык көмүлгөн жердин сырын ачкан Бүбүйра Кыдыралиева акыркы сапарга узатылды. Анын аракетинин аркасында 1991-жылы Чоң-Ташта 53 жыл мурун атылып, кыш заводуна көмүлгөн 138 адамдын сөөгү табылган.
Сталиндик репрессия учурунда атылгандар жапырт көмүлгөн жердин сырын ачкан Бүбүйра Кыдыралиева 96 жашында дүйнө салды. Каарман апа Чоң-Таштагы кыш заводуна 137 адамдын сөөгү көмүлгөн жерди көрсөтүп берген.
Бүбүйра Кыдыралиева тарыхый сырды ачкандан кийин "Ата-Бейитти" ачууга катышкан коопсуздук кызматынын отставкадагы полковниги, тарых илимдеринин доктору, "Ата-Бейит" улуттук тарыхый мемориалдык комплексинин директору Болот Абдрахманов менен маектештик.
Орусиянын Украина менен чектеш дагы бир - Белгород облусунда өзгөчө кырдаал жарыяланды. Кримтөбөл Камчы Көлбаевдин өкүл атасы делген Азим Ройго козголгон кылмыш иши токтотулганы кабарланды. “Ысык-Көл” аэропортунда учкучсуз учак кулады.
Парижде өткөн Олимп оюндарына катышкан кыргызстандык спортчулар, машыктыруучулар менен дарыгерлер 13-августта Кыргызстанга кайтып келишти. Борбордогу эски аянтта спортчуларды сыйлоо аземи өтүп, андан кийин атлеттер журналисттердин суроолоруна жооп берди.
Дагы жүктөңүз
