"Азаттыктын" Прага шаарындагы кеңсесинин кызматкери, "Азаттык+" телепрограммасынын мурунку алып баруучусу. Кыргыз-Орус (Славян) университетин аяктаган.
Быйыл дүйнөдө кеминде 250 журналист камалган. Бул тууралуу Журналисттерди коргоо комитети 11-декабрда жарыялаган баяндамада белгиленет. 48 журналист камалган Кытай биринчи орунда болсо, Түркия экинчи орунда.
Кытайда уйгурлардын көрүнүктүү өкүлү Нур Бекри өмүрүнүн аягына чейин эркинен ажыратылды.
Коменданттык сааттын алдында 27-ноябрда Ирандын Нажаф шаарындагы консулдугуна чабуул коюлган. Иракта бийликке каршы толкундоонун башталганына эки айга чукулдады.
Британиядагы жүк ташыган машинеде табылган 39 вьетнамдыктын сөөгү мекенине кайтарыла баштады. 16 маркумдун сөөгү Вьетнамга шаршембиде жеткирилгенин бул өлкөнүн Тышкы иштер министрлиги билдирди.
Талибдер барымтага алган америкалык жана австралиялык эки профессор куралдуу кыймылдын камакта отурган жогорку даражалуу үч өкүлүнө 19-ноябрда айырбашталды. Туткундарды алмашуу шейшембиде Ооганстандын Забул провинциясында болду.
Грузия полициясы парламент имаратынын кире беришин тосуп алган демонстранттарды күч менен таркатты. Тартип коргоочулар нааразылык акциясына чыккандарга суу чачып, 18 адамды кармап кетти. Бирок жүздөгөн митингчилер кайра эле аянтка топтолду.
Гонконгдогу соңку кагылышууларга байланыштуу жогорку окуу жайлар жабылды. 13-ноябрга караган түнү демонстранттар менен полициянын ортосундагы кагылышуулар университеттик шаарчада уланган.
Грузин парламентинин депутаттары 14-ноябрда өткөн жыйында Конституцияга өзгөртүүлөрдү киргизүү боюнча коалициялык көпчүлүк сунуш кылган мыйзам долбоорун четке кагышты. Ага ылайык, 2020-жылдан тарта өлкөнү пропорционалдык шайлоо системасына өткөрүү каралган.
Бул күндөрү Берлин дубалынын кулатылышынын 30 жылдыгы белгиленип жатат. 1989-жылдын 9-ноябрында “Кансыз согуштун” символуна айланган Берлин дубалы бузулган.
Мындан туура 30 жыл мурда “Кансыз согуштун” символуна айланган Берлин дубалы кулаган.
Иранда АКШ элчилигине чабуул коюлган күндүн 40 жылдыгы белгиленди. Тегерандагы элчиликти студенттер 1979-жылдын 4-ноябрында басып алып, 52 америкалык 444 күн барымтада турушкан.
Журналисттерди коргоо комитети Жазасыз калуу боюнча 2019-жылкы глобалдык индексин жарыялады. 29-октябрда жарыялаган баяндамада журналисттерди өлтүргөндөр Ооганстан, Пакистан, Орусия жана башка он мамлекетте жазаланбай калган учурлар өтө көп экени белгиленет.
Токиодо 22-октябрда Жапониянын императору Нарухитонун тактыга отурушунун урматына арналган чоң салтанат өттү. Жөрөлгөгө чет өлкөдөн келген 2 миңге жакын жогорку даражалуу коноктор катышты.
Жекшембиде Ливанда түмөндөгөн адамдар коррупцияга жана салыктардын жогорулашына каршы акцияга чыгып, өкмөттүн кетишин талап кылышты. Толкундоо 17-октябрда бийликтин «Whats App» жана башка социалдык тиркемелер аркылуу чалууга салык киргизишине каршы башталган.
Казакстандын Улуттук коопсуздук комитети Шинжаңдан келген эки кытайлык казактын окуясы боюнча сотко чейинки тергөө башталганын кабарлады. Мурагер Алимулы жана Кастер Мусакан аттуу кытайлык жарандар Шинжаңда көргөн запкыга чыдабай, чек арадан мыйзамсыз өтүп Казакстан тарапка чыга качышкан.
Польшадагы шайлоодо оңчул «Мыйзам жана калыстык» партиясы 45% көп добуш топтоп, алдыга чыкты. Бул партия 2015-жылдан бери бийликте. Оппозиция соңку төрт жылда «сот системасынын көз карандысыздыгына шек келтирип, бөтөнчө пикирдегилерди басууга аракет кылууда» деп бийликти сындап келатат.
Өзбекстан Ирактан 64 баланы мекенине алып келди. Нобелдин тынчтык сыйлыгы Эфиопиянын премьер-министри Абий Ахмедге ыйгарылды. Ирандын мунай ташыган танкерине ракета тийип, андагы кара май Кызыл деңизге төгүлдү.
Нобелдин адабият боюнча сыйлыгынын быйылкы жана былтыркы лауреаттарынын ысымдары 10-октябрда белгилүү болду. 2018-жылкы сыйлык польшалык жазуучу, акын Ольга Токарчукка ыйгарылса, 2019-жылкы сыйлыкты австриялык жазуучу, драматург Петер Хандке алды.
Физика боюнча Нобел сыйлыгы быйыл астрономиядагы илимий ачылыштары үчүн үч окумуштууга ыйгарылды.
Өзбекстанда үйлөнүү тоюн өткөрүү боюнча кабыл алынган жаңы эрежелер ырчылардын нааразылыгын жаратты. Себеби, жаңы чектөөлөргө ылайык, бир тойго экиден көп аткаруучуну чакырганга болбойт. Өнөрпоздор тойдо тапкан акча менен ондогон үй-бүлөлөрдү багып жатканын жүйө келтиришүүдө.
Дагы жүктөңүз
