"Азаттыктын" Прага шаарындагы кеңсесинин кызматкери, "Азаттык+" телепрограммасынын мурунку алып баруучусу. Кыргыз-Орус (Славян) университетин аяктаган.
Тибеттин бийик тоолуу райондорунун биринде жер титиреп, 100дөй киши каза таап, 150дөн ашуун адам жараат алганын Кытай медиасы кабарлады. АКШнын Чикаго шаарында кыргызстандык жаран киши колдуу болду.
5-январдын таңында украин армиясы Орусиянын Курск облусунда жаңы чабуулун баштады. Аналитиктер чарчап-чаалыгып, техникасы жана жоокери жетишпей жаткан украин армиясынын бул чабуулу күтүүсүз болгонун белгилешет. Эмне себептен Киев мындай кадамга барды?
5-январда Баткен облусунун Лейлек районунун Тажикстан менен чектеш Арка-2 айылында белгисиз зат жарылып, эки адам жараат алды. Каргаша 32 жаштагы келин кызы менен короосунда эски темир-тезекти жыйнап жатканда болгон.
Бир жыл мурун Жапония өзүнүн “Айдагы снайпер” деп аталган аппаратын Айдын бетине отургузду. Ошентип Жапония АКШ, Кытай, мурдагы СССР жана Индиядан кийинки эле Айга өз аппаратын кондурган бешинчи өлкө болуп калды.
АКШнын Жаңы Орлеан шаарындагы 15 кишинин өмүрүн алган кол салууну Федералдык иликтөө бюросу теракт деп иликтеп баштады. 1-январда көчөдө жаңы жыл тоскону чогулгандарды машинеси менен тебелеп, кийин туш келди ок чыгарган адамдын тек-жайы аныкталды.
Жаңы Орлеанда 15 кишинин өмүрүн алган кол салуу теракт катары иликтене баштады. “Сапат” жалпы мүлкү, мөөрү “Маариф” фондуна өткөрүлүп берилгенин билдирди. УКМКнын төрагасы Ташиев алдыдагы эки жылда коррупцияга каршы күрөш күчөрүн билдирди. Оренбургдагы жол кырсыгында 4 кыргызстандык каза тапты.
Кошмо Штаттардын мурдагы президенти Жимми Картер 100 жашында акка моюн сунду. Ал мамлекетти башкарып турган маалда Израил менен Египеттин ортосундагы биринчи тарыхый тынчтык макулдашуусуна Кэмп-Дэвидде кол коюлган. Израил ошондо Египетке Синай жарым аралын кайтарып берүүгө макул болгон.
Мурдагы футболчу, оңчул популист Михаил Кавелашвили өлкөдөгү саясий кризистин тушунда Грузиянын жаңы президенти катары ант берди. Буга чейинки мамлекет башчы Саломе Зурабишвили кызматтан кетүүдөн баш тартып, Кавелашвилинин дайындалышы "мыйзамсыз" экенин айтууда.
Газа тилкесинин бир нече шаарына, анын ичинен качкындар баш калкалаган жайларга жасалган Израил армиясынын аба соккуларынан 50дөн көп адамдын өмүрү кыйылды. Бул тууралуу жергиликтүү медиктер билдирди. ЦАХАЛ 15-декабрдагы соккуларды ХАМАС радикал уюмуна каршы операция катары түшүндүрдү.
15-декабрда Газа тилкесине жасалган Израил армиясынын аба соккуларынан 50дөн ашуун адамдын өмүрү кыйылды. ЦАХАЛ соккуларын ХАМАС радикал уюмуна каршы операция катары түшүндүрдү. Израил коңшу Сириядагы оккупацияланган Голан дөңсөөлөрүндөгү жөөт конуштарынын санын эки эсе көбөйтүүнү чечти.
Сирияны 50 жылдан ашуун башкарган Асад үй-бүлөсүнүн режими кулады. Башар Асад өзү Москвадан башпаанек алды. Эки жуманын ичинде чагылгандай чабуул коюп, баш калаа Дамаскка көзөмөлүн орноткондор ким? Алардын катарында борбор азиялыктар да барбы? Эми Сириянын тагдыры кандай болот?
Сирияны 50 жылдан ашуун башкарган Асад үй-бүлөсүнүн режими кулады. Башар Асад өзү Москвадан башпаанек алды. Эки жуманын ичинде чагылгандай тездик менен чабуул коюп, баш калаа Дамаскка көзөмөлүн орноткондор ким? Эми Сириянын тагдыры эмне болот?
Бириккен Улуттар Уюмунун Коопсуздук кеңеши бүгүн Сирия боюнча чукул жыйынга чогулмай болду. Башар Асаддын бийлиги кулатылып, баш калаа Дамаск радикал топтордун карамагына өткөндөн кийин жабык жыйынга чогулууну Орусия сунуштады. Асад өзү үй-бүлөсү менен Москвага качканы белгилүү болду.
Түштүк Кореяда саясий кризис уланууда. Эми президент Юн Сок Ёлдун кызматтан кетүүсүн анын өзүнүн партиясы да талап кылды. Бийликтеги Элдик партиянын лидери Хан Дон Хундун айтымында, президенттин кызматта калуусу демократия үчүн коркунуч жаратат.
Орусия Курск облусунан украин күчтөрүн сүрүп чыгарууга түндүк кореялык аскерлерди салып жатканы кабарланды. Москва эмне себептен чет элдик контингентти согушка салууга мажбур болду? Түндүк Кореянын кызыкчылыгы кандай? Бул Украинадагы уруштун нугун канчалык өзгөртө алат?
8-ноябрда президент Садыр Жапаров "Дин тутуу эркиндиги жана диний уюмдар жөнүндө” мыйзам долбоорун Дин иштери боюнча мамлекеттик комиссиянын жетекчилери, муфтий, белгилүү дин аалымдары жана эксперттер менен талкуулады. Жыйында даават, диний билим берүү, коопсуздук сыяктуу маселелер көтөрүлдү.
Расмий маалыматка караганда, октябрь айында Орусиянын күчтөрү Украинанын чыгышында 478 чарчы чакырымды аймакты оккупациялап алды. Ушул тапта орус армиясы Курахово шаарын курчоого алуу аракетин көрүүдө.
Испанияда суу ташкындан набыт болгондордун саны 200дөн ашты. Ондогон адам дайынсыз. Баарынан көп Валенсия аймагы жабыркады. 29-октябрда катуу жааган жамгырдан улам башталган суу ташкын бир нече саат ичинде көчөлөрдү каптап, автоунааларды, турак жайларды агызып кеткен.
Израил армиясынын Газанын түндүгүнө жасалган бүгүнкү аба соккуларынан 90дой киши набыт болду. Арасында ондогон аялдар жана балдар бар экенин анклавдын Саламаттык сактоо башкармалыгы билдирди.
Түндүк кореялык аскерлер орусча 100дөй аскердик терминди үйрөнгөн соң Украинадагы согушка жөнөтүлүшү мүмкүн. Бул тууралуу 29-октябрда Сеулдагы депутаттар чалгын кызматынын маалыматына таянып билдиришти. Буга чейин НАТО Курскиге түндүк кореялык аскерлер жайгашканын ырастаган.
Дагы жүктөңүз
